Nihin Ralhrang Tampi An Thah Hoi

Nihin ralhrang tampi an thah hoi. Chaungma-Kanni road in Kany Township ah ralhrang tampi an thah hna. An thahmi ralhrang hna hi a tlawmbik minung 15 an si. Khua mi pakhat nih nihin July 31 the Chaungma-Kanni Road in Kany Township, Sagaing Region ah kah dohnak a um i ralhrang lei a tlawmbik minung 15 an thi tiah a chim. An i kah dohnak hi north of Thitwan village hmai ah a si tiah a chim.

Hliam a tuar mi zong an um lai tiah ruah a si. Relchap- Tuitawng khuabawi le a nupi thah an si. Sagaing ramthen Butalin peng Tuitawng khuaa h ralhrangbu nih an khinh mi khuabawi le a nupi cu tuzing July 31 suimilam 11 hrawngah a ho ti theih lo mi nih meithal in an kah/thah. Hi thawng he pehtlaih in khuami pakhat nih ‘ralhrangbu nih khinhmi khuabawi rian zong a tuan.

Lamzawhnak ah a tel mi hna cu a thihphaih hna.Rallokap pawl a auh hna i a tlaih ter hna. An tlaih mi hna cu khuabawi theihpi nak in kan thlah lai an ti zongah a dirkamh duh hna lo. Cun khuachungah a ho nih zeidah a tuah, zeitindah an um ti zong nifatin pengbawi sin ah thawng a thanh.A nupi zong CDM a lut lo mi siangcachim a si.Ralhrangbu a tanhlo mi cu an ral bantukin an hmuh hna tiah a chim.

Atu ah Tuitawng khua ah ralhrangbu rallokap le palek tampi an phan.Meithal thawng cu kan theih nain a hohmanh an va zoh ngam lo caah a ho dah a si, zei phu nih dah an thah ti a hohmanh kan thei lo tiah an chim. Butalin peng chungah ralhrangbu sin ah thawng a thanh tawn mi a si tiin an thah mi khuabawi 2 an um cang tiah digital news nih a tial. Credit – TCP