Ngio Win Naing a thih cu kan i lawm cio. Kan tha a dam tuk. Anih hi misual tuk a si. Mino deuh cu an inn ah a luhhnawh hna i, a tukvelh.

Sagaing ramthen, Kanbalu peng, Zikone khua Pyusawhti hruaitu Ngio Win Naing cu August 17 zinglei sml 5:30 ah, lakphak dawr a thut lio ah Kanbalu UG (KBU) phu nih an kah thah, tiah Kanbalu Underground Warriors sin in theih a si,Lakphak dawr ah a thumi Ngio Win Naing le midang pakhat cu Kanbalu Underground Warriors phu nih an kah hna i, Kanbalu sii-inn ah an kalpi hna lio ah Ngio Win Naing cu a thi, tiah theih a si.

 

Ngio Win Naing cu amah pumpak in check gate aa ser i, khual tlawngmi le aa chawkmi hna cu a dirter hna i tangka a hal hna. A tlerhkhawnh hna i, ngun khuai a khawlh hna, cheukhat cu an cycle zong a chuh hna, tiah tualchung mi hna nih an chim,“Ngio Win Naing a thih cu kan i lawm cio. Kan tha a dam tuk. Anih hi misual tuk a si. Mino deuh cu an inn ah a luhhnawh hna i, a tukvelh hna,” tiah tualchung mi pakhat nih a chim.

 

Cu bantukin Tanintharyi ramthen, Myeik khua, Aungchanthar sang um Pyusawhti chungtel inn zaa-uk Aung Than cu, August 17 zanlei sml 5:00 hrawng ah Myeik khua dawr ngan pakhat pawng ah kan kah thah, tiah PDF nih an langhter,Aung Than cu Myeik pengkomh Battalion 2 le Pa Kah Pha i bawm in an kah thah. Pyusawhti chungtel Aung Than an kah thah dih in SAC ralkap nih khuachung ah check hlatnak an tuah, tiah theih a si.

 

Bago ramthen thlanglei Pyi pengkomh, Kinekwin khuami Kyaw Kyaw Lwin le Letpankhun khuami Kyaw Kyaw Oo cu PDF cawlcanghnak vialte SAC ralkap sin ah a phuangtu an si caah kan thah hna, tiah PDF nih cathanh an chuah,Tamu Peng Ah Meithat Zung Riantuan Non-CDM Pakhat Ngeihmi Diesel Cu Hriamtlai Phu Nih An Fir Piak: Tamu khua chaklei ah a kalmi bus motor pakhat chung ah a ummi, diesel tank pathum cu August 17 ah Kuntaungkhua pawng ah hriamtlai phu pakhat nih an fir, tiah theih a si,
Credit;The Chinb Post