Ngeih chia tuk si ee Maubin Peng Ah Tlaih A Tong Mi Minung 2000 Leng Um

Maubin Peng Ah Tlaih A Tong Mi Minung 2000 Leng Um I, Minung 180 Leng Cu Tazacuai An Si Cang: Ayayawady ramthen, Maubin peng ah February 1, 2021 hnu in July 16, 2022 tiang ah tlaih a tong mi cu minung 2000 an um cang i tazacuai mi minung 189 an um cang, tiah theih a si. Tlaih a tong mi hna lakah minung 107 cu phungrelnak 505(a) in tazacuai an tong i, minung 50 cu phungrelnak 50( j),

 

52(a), 50(c) in taza an cuai hna. Cupinah pawngkam zohkenhnak(Natural Desaster Managment) phunghram he pehtlai in minung 12 cu hmalak an si i, phungrelnak 3 in hma an lak mi hna 20 an um, an dihlak minung 189 an cu tazacuai an si.Tlaih a tong mi chungkhar in mi pakhat nih cun, “Tlaih a tong mi hna he nihin tiang pehtlaihnak kan ngei kho rih lo, a cheu cu pehtlaih khawh an si nain ton

 

khawh an si lo, saupi an hren cang hna caah an tukvelh sual hna lai ti kan phang ngai, atu hnu i an tlaih mi hna cu a nung dam mi an um lo,” tiah a chim. Tlaih a tong mi le tazacuai mi hna hi Maubin peng ah duhlonak a langhtertu, ramkhel lei a cawlcang mi, NLD party chungtel hna le CDM cozah riantuan an si hna i, ralzaam an tlaih mi hna zong tampi an i tel tiah tualchung mi nih an chim.

Credit; The Cjhin Post

Tamu Kahdohnak Ah PDF Pakhat le Civil Mi 3 SAC Ralkap Nih An Thah Hna!: Sagaing ramṭhen Tamu ah SAC ralkap le tualchung PDF kahdohnak ah PDF ralkap pakhat a nunnak a liam i, civil mi 3 kahthah an tong, tiah theih a si. Nizan July 16 zing Sml 6 hrawng i kahdohnak a chuahnak hmun cu Tamu khua hrialnak lam Win Phung Naing(ဝင်းဖုန်နိုင်) datsi dawr pawng ah a si, tiah theih a si.

PDF a thi mi pakhat nih cun a meithal le a phone a kaltak i, kahdohnak pawngkam ah a ummi mawṭaw chung i civil mi a cuang mi 3 cu SAC ralkap nih an kahthah ve hna, tiah tualchung PDF nih an thanh.

“PDF cu hmunhma zohfelnak tuah ding in an kal lio ah SAC ralkap nih rak bawh in an kah hna caah kahdohnak a chuak. SAC ralkap nih tualchung mi an thah mi hna ruak cu an khangh hna,” tiah tualchung PDF pakhat nih a chim. PDF lei in bawmtu ralkap an rat caah a thi mi PDF ralkap ruak cu an laak khawh, tiah theih a si.

 

kum 40 a si i, a nupi le a fale 2 a liamtak hna, tiah theih a si. Kahdohnak ah SAC ralkap lei a thi mi an um le um lo cu fiang in theih a si rih lo. PDF ralkap a thi mi phone cu SAC ralkap nih an laak caah amah he aa pehtlai mi hna cu i ralring ding in tualchung PDF nih an theihter hna.

 

Yangon Nichuahlei Pengkomh Biaceih Zung I Sihni Pakhat Cu Hriamtlai Phu Pakhat STA Nih An Thah!: Yangon ramṭhen Mingalar Taungnonh(မင်္ဂလာတောင်ညွှန့်) peng nichuahlei pengkomh biaceih zung i sihni(Lawyer) U San Lin(ဦးစန်းလင်း) cu July 15 zaan ah meithal in kahthah a si, tiah Special Task Agency of Burma-STA nih July 16 ah thawng an thanh. U San Lin nih cun mino hna cu ramkhel lei

 

case he pehtlai in taza a cuai hna i, sualphawtnak an ton tawn ruangah kan thahnak hi a si, tiah STA nih an thanh.U San Lin a thihnak kong he pehtlai in a chungkhar pehtlaih khawh an si lo i, SAC lei zong nih hi kong pehtlai in thawng an thanh mi hmuh a si rih lo. STA nih zahan zaan ahkhan Hlaingtharya(လှိုင်သာယာ) peng biaceih zung cu bomb an puahhnawh, tiah an langhter fawn.