Ngai a chia tuk hringhran e! Thantlang I Mithi Cu Vuitu Ding An Um Lo

Thantlang in mithi ci vuitu ding an umlo caah Hakha Covid-19 lei tuanvo ngeitu pawl nih an vui. Kan Chinram chungah hi ban tuk dirhmun hi kan tong cu a poi tuk hring hran.  Asinan nikhat khat ahcun zalonnak a chuak te lai. Tus chun September 21 zinglei ah Thantlang ah pitar kum 61 mi a thi i khuachung ah minung tlawmte lawng an um ruangah a ruak vuiltu ding upa an um lo i.

Hakha Township Puplic Healthcare & IDPs Management Committee hna nih Thantlang ah an va kal i a ruak cu an vui. Ruak vutu pakhat nih Mual liamtu i a fanu le a pasal a tanta, a fanu le a pasal lawng an um ruangah a ruak vuitu an um lo. Thantlang khua chung ah inn 9/10 hrawng lawng an tang.  An dihlak an zaam viar. Ruak kan vu hnu ah a fanu le a pasal cu Hakha ah kan hruai i an chungkhat inn ah kan thlah tin media sinnah a chim.

September 18 chun ah Thantlang khua chungah ralkap pawl nih meithal le bomb pawl in an kap ruangah inn 19 a kang. Rel chap – Inn 2000 deng le minung 10,000 renglo an umnak Thantlang cu chungkhar 3 in minung 28 lawng nih khua an hngah cang. September 21| Thantlang ah kahdohnak a fah hnu in khuami cu an zaam dih i atu hi chungkhar 3 in.

COVID-19 mizaw 2 tel  minung 28 lawng nih khua an hngah cang, tiah kan theih. Khua a hngak i a taang mi chungkhar hna hi:-1. Rev. Dr. John No Mang le a chungkhar (ngahtah an zohkhenh mi hna he 20); 2. Pi Kil Tang (Ni Ceu nu le afapa 3); 3. Evan Rinchana techung le Nu Thluai Cia, Sayama Thui Cin (inn khat ah an um i minung 5 an si) i an dihlak ah minung 28 lawng nih khua an hngah. Crd – THT