Nawl Ngaihlo Ruang Ah Minung Tampi An Thah Hna

Mandalay ramthen, Tawngta peng, NgawngOo peng le Yangon ramthen, North Dagon peng ah ralhrang sin thawng petu tiah minung tampi nih theih mi minung 3 cu kah an ton caah minung 2 cu an thi tiah khuami hna sinin theih a si. Mandalay ramthen,Pagan NgawngOo peng Uyin khua ah nihin zinglei suimilam 8:00 ah ralhrang phu sin thawng petu tiah mitam pi nih ruahmi Thein Zaw Min le a nupi cu cycle an i cit lio ah kah an tong.

Cu kahnak ruangah cun Thein Zaw Min nupi nu a thi colh tiah theih a si. Cun Dagon Myotit North peng no.45 sang Lampi ah September 30, zaan suimilam 7:30 no.5 sangah ralhrang phu sin thawngpetu tiah theihmi cycle in phaisa khawltu Ko Chawng Soe cu meithal in an kah caah a thi, cu thil a tuah tu cu Little Heros phu nih an tuahmi a si tiah theih a si. Mandalay ramthen,Tawngta peng SanOo khua ah ralhrang phu nih rianpek.

Mi khuabawi U Kyaw San le Daw Yin Htay hna cu September 30, zinglei ah TTA phu hna nih an kahthah hna tiah theih a si. Rel chap -Sagaing ramthen,Khin Oo peng a hnulei Pinthuang khua cu ralhrang hna nih nihin zinglei ah rak lut in an kah hna, an tlaih hna caah khuami hna an zaam tiah khuami hna nih an chim. Zingka tuan te ah Khin Oo lei in a rak phan mi ralhrang hna nih thazaang 30 leng khuachung ah an lut i an kah hna caah.

Kumnga ngakchia pakhat a nunnak liam i cheukhat an tlaih hna tiah theih a si. Khuami pakhat nih “Zing suimilam 5:30 ah amah cu Pinthuang khua an phan khuami hna cu an zaam i ram lak tiang in an kah hna.Khuachung zong ah an kah hna an tlaih khawh mi an tlaih hna,an khen mi hna zong an um ngakchia pakhat a nunnak a liam tiah theih a si.Khuami hna an zaam i a zaam lo mi cu an tlaih hna,khua chung cu mei in an kangh tiah a chim.

Crd – TCJ