Naite ralhrang nih Tio kalnak lam, Haimual khua inn 8 an khangh tanah an ttafar tein an tlaihmi hna Puipuii le a tta pa te cu,r

Naite ralhrang nih Tio kalnak lam, Haimual khua inn 8 an khangh tanah an ttafar tein an tlaihmi hna Puipuii le a tta pa te cu,ralhrang nih thi lak in a hrem in an hrem hna tiah theih si.Haimual Khua Ah Tlaih A Tongmi Unau Cu An Ruak In An Hmuh Hna!
August 14, zaanlei suimilam 4:30 hrawng ah Tedim peng, Haimual khuathar cu SAC ralkap nih an rak khangh hnu ah unau pahnih mino tete cu SAC ralkap nih an rak tlaih hna.

 

Tlaih a tongmi hna hi unau an si. A u (kum-18) hi CDF chungtel a si i, SAC ralkap nih an tlaih lio ah CDF uniform he an rak tlaih, a naupa hi kum 15 hrawng a si. An unau ruak cu Haimual sianginn lam ah August 16 ah hmuh an si,” tiah tualchung mi pakhat nih The Chin Post ah a chim.

 

 


Relchap,United Nations Special Envoy on Myanmar Noeleen Heyzer cu nihin August 16 ah Myanmar ram tlawn ah a rak i thawh, tiah UN nih an thanh. Noeleen Heyzer cu Myanmar ram ah a cang cuahmah lio mi buainak kong tawlrel ding in rianpek a si bantuk in Myanmar ram a rak tlawng lai, tiah theih a si,Noeleen Heyzer cu Myanmar a um chung ah Zatlang bu hna le tuanvo ngeitu hna he zong tonnak a ngei lai.

 

Noeleen Heyzer cu nikum October thla in hi rian hi khinh a si i atu hi a voikhatnak Myanmar a phak ding a si,Myanmar ramchung um Zatlang bu le tuanvo ngeitu hna he tonnak ka ngei lai tiah thawng a thanh nain Aung San Suu Kyi he tonnak nawl a hmuh le hmuh lo cu theih a si rih lo,SAC lei nih cun Aung San Suu Kyi cu biaceih cuahmah lio mi a si caah ton khawh a si lo, tiah ASEAN palai Combodia ramleng minister zong tonnak nawl an rak pe lo.
Credit;The Chin Post