Motor Accident In Minung 4 Nunnak A Liam I, 7 Hliam An Tuar.

Thlichia Ruangah A Rawk Mi Lune Yone Khua Hna Cu Har Ngai In An Um!: Sagaing ramthen Nan Yun peng ah Naga miphun tampi umnak Lone khua ah a luancia July 7 ahkhan thilchia faak ngai in a hran ruangah minung 2 an thi i innlo zong an rawh caah harnak nganpi an tong i, bawmhchanh an herh kong tualchung mi nih an chim.

Inn 63 umnak Lone Yone khua cu Shinboiyankhuapi he aa naih ngai mi khua a si i, a tam u cu Naga miphun an si. Khuachung ahhin minung 216 lawng an um. Thlichia ruangah hin inn dihlak ngawt in a rawk. Cupinah pafa hna cu thingkung nih a nenh hna ruangah an thi i, nu 2 zong hliam an tuar tiah tualchung pastor pakhat nih RFA ah a chim.

 

Pastor pa chimning ah cun, a khua ning ti awk in a rawk i, Inn pawl cu a cungkhuh an ngei ti lo. Cheukhat inn hna cu sawn nawnpi in an dir i, a cungkhuh ah muka an khuh chung hna. Cupinah eidin zong a har ngai tiah theih a si. Dum le lo tuah in, tisik anhnah zuar i aa cawm mi an si i dum le lam zong thinkung a tlu mi nih a kham dih caah um kalnak a har ngai. Atu tiang aho hmanh nih an bawmh rih hna lo caah an har ngai ko. Cun, biakinn pakhat zong a tlu i a rawk, tiah pastor nih cun a chim.Lone Yone khua hi i

 

tlawnkainak lam a har ngai mi khua a si i, Thaning tiva in, ti lam in an tlungkal deuh tiah tualchung mi nih an chim. A luancia July 8 ahkhan Nan Yun peng Samsah khua zong ah thlichia a hrang i inn 20 leng an rawk, tiah theih a si.Bilin Ah Motor Accident In Minung 4 Nunnak A Liam I, 7 Hliam An Tuar!: Mon ramkulh, Bilin peng Yangon-Mawlamyine motor lampi ah, nihin July 18 zinglei ah motor pakhat aa let i, minung 4 an nunnak a liam lengah midang 7 hliam an tuar, tiah theih a si.

 

โ€œAccident a tong mi hna cu Bilin in Kyaithtulei ah a kalmi an si i, motor cu TaPayni khua pawng ah aa let tiah theih a si. Motor chung ah cun minung 11 an cuang i, cu chung in minung 4 nunnak a liam, 7 hliamhma an tuar,โ€ tiah mi bawmchantu pakhat nih a chim.
Nunnak a liammi hna chung in 2 cu accident an tonnak hmunah an thi colh i, a dang 2 cu siizung phanhpi an si hnu ah an nunnak a liam, tiah theih a si. Accident ton ruangah hliamhma a tuarmi hna cu Bilin peng siizung ah an kalpi hna, tiah theih a si.
Credit;The Chin Post