Mizoram CM Pu Zoramthanga nih India PM Modi a va ton, ” kan Innpa kawlram buainak ah remnak le daihnak

Sep 14 ah Mizoram CM Pu Zoramthanga nih India PM Modi a va ton, ” kan Innpa kawlram buainak ah remnak le daihnak a umnak hnga caah India nih va tlangtlak le va tawlrel pi ve dingah a va chimh.

 

India PM nihcun ” daihnak hi minung nih tuah le ttuan ve haumi si caah kan i zuam ve lai” tiah CM Pu Zoramthanga cu a rak leh.
Mizoram kan unau nih 2021 ralhrang uknak laak si hnuah a bik in Chinmi hna cu Mizoram ah kan va dor hna i ,Mizoram unau nih ralzaam zoh in zoh loin unau i tlawnkai tluninn onh khin an kan don.

 

Chinram ralzaam hna caah Mizoram cozah nih Rs sing zathum ( ting 300)leng a hman cang. Kawlram tangka le bang cun, arfi zat le tthetse zat a si.

 

Mahnak biapi deuhmi cu, Khual zoh in an kan zoh lo,unau i tlawnkai btk khin dahkaw an kan zoh le ruahmi zoh tikah hin tangka zeizat hmanh nih a caw kho lo.Credit;Salai William HC.

 

 

 

SAC cozah nih Youtube aiah an ser i an hman mi Mtube ah zohdawh lo thurhnawm video an taar tiah theih a si.

 

SAC cozah in thawngphuangtu ah an hman mi Zaw Min Htun nih Youtube aiah Mtube kan ser lai i kan hman lai tiah tuan deuh ah a rak chim bal mi cu a tak in an hun tuah i MRTV thawngpang chimnak an taar langh hnu ah thurhnawm video hi a rak lang tiah theih a si.

 

Ahmutu cheukhat nih “hiti an tuah hi a zohtu ding tam deuh hna seh tiah an taar hramhram mi a si ko lai tiah an zumh.

 

“Hiti an taar langhmi hi an tar sual mi a si ah siseh, an taar taktak mi a si ah siseh an mualpho cikcek ko cang, azeiti hleiin vai i phetcheem awk a um lo, SAC ralkap cozah nih tuah mi paohpaoh hi thil tha a um lo, a um sual hmanh ah a tluang hrimhrim lo” tiah mipi pakhat nih a chim.