mizom ram ah ralzam caah biak in sak piak asi laimi caah atha ko nain

Mizoram, Lawngtlai district i khua pakhat Lungzarhtum khua ralzaam hna ca ah LIKBK khrihfabu hna nih Biakinn an sakpiak hna, tiah theih a si. Biakinn saknak ah aa telmi upa pakhat nih cun,” Lungzarhtum khua ralzaam hna cu khua in Km 1 hrawng a hlatnak ah an um i, khuachung ah an rak i pum tawn. An umkalnak ah zaangfak an si tiin ralzaam umnak pawng ah Biakinn sakpiak kan i tim i, Nihin in kan i ot,” tiah The Chin Post ah a chim.

Lungzarhtum khua ahhin ralzaam member 168 an um i, a inn cun inn 16 an um. Lungzarhtum khua ralzaam hna Biakinn saknak ding ahhin Lungzarhtum LIKBK khrihfabu hna le hmun dangdang in bawmhnak tlawmpal an thawh hna, tiah theih a si. Biakkinn hi a dung ft’ 30 avang ft’14 in kan sakpiak hna lai, tiah tuanvo ngeitu pakhat nih cun a chim.

 

US Ministry of Foreign Affairs nih vawlei cung ah tlawnlo ding in ah țihnung bik mi ram 7 cazin a langter i Myanmar ram cu a pakhatnak ah a si.Ramchung a buai ruang ah le kahdohnak a chuah ruang ah US rammi hna Myanmar ram khual tlawng lo ding in a langhter i tlaih a tong mi zong an tam chin lengmang tiah US Ministry of Foreign Affairs nih thawng a thanh.

 

Buainak le hriamtlai kar kahdohnak a chuahnak hmunma pawl US Ministry of Foreign Affair nih a langhter i Chin ramkulh Paletwa, Matupi, Kachin ramkulh Bhanmaw, Moe Kaung, Phakanh, Manse, Moe Mouk, SunparaboneTanine, Wai Maw, Shan ramkulh, HupanThein Ne Mine Kine NinghSam Natmatoo Namkhaan, Kaya(Karenni) ramkulh ShiatawKaren ramkulh Phapun pawl an si.Cu pin ah Shan ramkulh chaklei kap pengkulh hna le, Kachin, Rakhine le Chin ramkulh, Naga ram hmunhma pawl zong an i tel.

Autrilia Ministry of Foreign Affairs nih tlawn ding in a khenkham ve mi ram cazin ah cun Iraq, Afghanistan, Ukraine a si i Myanmar ram zong aa tel.Khenkham mi ram ah phak a si ah cun tazacuai, thongthlak,. hremnak tuar ding le thihnak tiang a phak khawh cah Embassy zong nih bawm awk a har ngai caah bawmh khawh a si lai lo tiah cathanh an chuah ve.US Ministry of Foreign Affairs nih tlawnding țihnung ram 7 a thanh mi ahcun Myanmar,Hongkong, Iran, Iraq,N. Korea, Russia le Venezuela ram hna an si.
Credit;The ChinPost