Mizaw Mawtor Meithal In An Kah

Sagaing Division Kany Township, Aung Mingalar village ah mizaw mawtor in hriam tlaihbu nih meithal an puak caah khua mi pakhat an kah that i a dang minung 2 hliam an tuar tiah khua mi hna nih an chim. July 28 zanlei ah khan Aung Mingalar village pawng i ralhrang le PDF an i kah lio ah mizaw mawtor cu Aung Mingalar village ah a mawngtu pa nih a mawng.

Mizaw mawtor cu public vehicle pakhat a si tiah an kham i an kalter lo. Mizaw mawtor cu ka dirter i hi mawtor ralhrang mawtor a si tiah an ti methal in an kah tiah Aung Mingalar village in a ummi mi pakhat nih a chim. Kum 25 mipa pakhat cu a lu ah an kah caah a thi. A dang pakhat hi a ban ah an kap i a dang pakhat hi a ke ah an kap. A dang relchap – Yangon lamzawh mi hna hrem tlaih an tong

Yangon,Tamuai ah nihin July 30 ah tuahmi ralhrang rallokap uk duhlo langhter lamzawhnak ah ralhrang rallokap phu hna nih lamzawh mi,mino cu thencheu in tlaih mi zong an um tiah lamzawhnak ah a tel mi,mini pakhat nih a chim. Nihin Tamui, Yangon lamzawhnak ah thencheu kan tong,tlaihkhih a tong mi zong an um, lam cung zong ah an tuk velh hna.

Hmun kakhat ah a chuak kho rih lo mi zong an um rih, tlaihkhih a tong mi ah a ho te dah an si ti cu fiang in kan thei kho rih lo” tiah lamzawh nak ah a tel mi,minung pakhat nih a chim. Atu tiang ah ralhrang rallokap phu hna nih lam an phih i, mi tlaihkhih nak an tuah tiah theih a si i, thilsining fiangten theih khawh nak ding ah hlat cuahmah lio a si tiah Khit Thit Media nih an langhter.

Cre – TCP