Mitlau Kawl Thawngthanhnak Pi Tial Pam cu khawika a um tizawng theih lo in atlau ee,

Kalaymyo, Tayakung khua in Kyainnkhua ah ralzaam dirhmun a phanmi Pi Tial Pam, kum 58 cu nihin August 2, zinglei suimilam 3:00 ah zunpi kal ding in leng a chuak i inn a hlam ti lo.Pi Tial Pam cu thluak lei tlamtling lo mi a si caah inn tinnak lam a thei lai lo, Kawl holh tlawmpal a chim thiam i, an khua min zong a chim thiam ko. A hmutu hna nih 09426037117 ah pehtlaihnak tuah ding in kan in nawl hna,

 

Kachin Ramkulh, Waimaw Peng SAC Ralkap Sakhan Pakhat Cu KIA Nih An Lak!: Kachin ramkulh, Waimawpeng InwamyanSAC ralkap sakhan pakhat cu kan kah i, kan khanghtak, tiah KIA nih an thanh. Nihin August 2, zinglei ah SAC ralkap kuttang um pyi-tuh-sit le SAC ralkap phufonh an umnak sakhan cu KIA nih an kah hna, tiah tualchung media nih an langhter.

 

KIA brigade 5, battalion 3 hmunram Inwamyankhua pawng i SAC ralkap sakhan cu KIA nih kan kah i sakhan zong kan lak leng ah an hriamthil cheukhat zong kan lakpiak hna. Cu sakhan cu kan khangh i kan hrawh dih, tiah KIA lei nih an thanh ve. Kahdohnak ah hliamhma tuarmi le nunnak a liam mi an um le um lo cu theih a si lo.Chunhnu ah Waimaw um SAC ralkap khah-lah-yiah 58 nih minung thazaang 50 hrawng an chap than caah kaphnih kar kahdohnak a chuak kho than, tiah KIA lei nih an thanh.

 

Monywa LatiSang Um Mi Mytel Zung Cu PDF Nih An Luhhnawh I, Wifi Seh Pawl An Khangh!: Sagaing ramthen Monywa khua Lati sang ah SAC Ralkap nih a thli in an on mi Mytel zung cu nihin August ni 2 zaanlei suimilam 2 hrawng ah tualchung hriamtlai phu nih luhhnawh in an hrawhpiak hna, tiah Monywa People Defense Fotce (MPDF) sin in kan theih.

 

Mytel wifi seh 100 leng, Routers seh 4, line Cutter seh 4, laptop 4 le rian he aa pehtlaimi cauk pawl hna cu an lak i seh thilri pawl hna zong mei in kan khangh, tiah MPDF nih an langhter.Mytel zung hrawhnak ah hin Monywa People Defense Force (MPDF) Monywa pengkomh Battalion 1, Monywa tualchung ralvengtu phu hna an i fonh, tiah theih a si.

Credit;The Chin Post