Mipi pdf nih sac ralkap hna cu drone in bom an thlak hnawh hna

 

 

Palaw Ah SAC Ralkap Check Gate 2 Drone In An Kah , Ralkap 5 Hliam An TuarTanintharyi ramthen , Myaik pengkomh, Palaw peng Pawahkone khua lam ah ummi SAC ralkap check gate 2 cu PDF phufonh nih Drone in kan kah hna tiah July 21 zaan ah thawng an
hanh.Check gate 2 cu July 20 zaanlei Sml 3:00 ah PDF phufonh nih bomb lung 2 an thlak hnawh hna i ralkap 5 an i hliam. SAC ralkap nih hliamtuar mi hna cu Ambulance 3 in an lak hna i a thi mi zat tu cu fiang in theih khawh a si rih lo tiah an cathanh ah langhter.Cu kahdohnak cu țangrual phu a si mi KPDF(Karen) le PPDF(Palaw) i bawm in an doh mi a si tiah theih a si.

 

KNU Bridge 2 hmunhma TaungNgu pengkomh chung kahdohnak ah SAC ralkap a thi mi le a hliam mi an tam tiah KNLA Brigade 2 tuanvo ngeitu hna nih an chim.July 15 thok in KNU- TaungNgu pengkomh ThanTaungGyi peng TaPo hmunhma cu SAC ralkap nih ral an hranh caah KNLA he kahdohnak a chuak.

Cu kahdohnak ah SAC ralkap rallam hruaitu tel in 21 an thi. A tu kahdohnak cu SAC ralkap nih ral kan veng tiah a konglam i chim ter in hmunhma lak ding an i tim tiah KNLA Battalion 2 i tuanvo ngeitu nih a chim.Kaphnih kahdohnak ah SAC ralkap Khah- Lah- Yiah 85 le Lah- Mah- Yiah 307 rallam hna nih khuate hna cu hriamngan an kah ,inn an duah i an hrawh, hriamngan kuan nih tlak ruang ah tualchung mi pakhat a nunnak a liam.

Kaphnih kahdohnak ruang ah tualchung mi 2600 leng ral an zaam i riahbuk le eidin kong ah harnak an tong tiah theih a si.
KNU – TaungNgu pengkomh Brigade 2 hmunhma ThanTaungGyi peng chungah SAC ralkap le KNLA Brigade 2 karlak kahdohnak a zual hma ngai, hihi SAC nih ralhranh in an cawlcangh caah asi.
Credit;The ChinPost