Miphun Ralkap 4 Nih Nunak An Pek

Miphun ralkap 4 nih nunak an pek. Chin National Army (CNA) ah miphun le ram caah pumpek le nunnak thap in miphun humhim le runvennak ah Bawino Van Biak Tling, Ruun Thawng Hup Lian, Ralkap Zo Lian Sang le Ralkap Biak Hlei Sang hna nih 2022 May 5 ah an nunnak an pek tiah CNF nih cathanh an chuah.

Thawngpang dang. UNHCR Malaysia Thawngthanh. Kan hnu zarh Nithumni kha UNHCR card chuahnak seh a rawh caah card/catlap thleng dingin a rami vialte ni dangah ra than dingin kan in tin ter dih hna.Zei tik dah nan rat than te lai timi cu nan phone zongah SMS kan in kuat nolhte hna lai. Chungkhar i lubik a simi lawng nan ra cang lai, chungkhar tling in rat a hau ti lai lo.

Chungkhar lubik sinah chungkhar card vialte kan in pek lai.Vawlei pumpi UNHCR zung vialte nihhin card chuahnak caah online kan hman. Nithumni kha a rawh caah ramkip UNHCR zung vialte card kan chuah kho cio lo.Mah ruangah card/catlap thlenpiak loin tin termi vialte, ahlei in Kuala Lumpur leng a simi lam hlapi in a rami vialte ngaihthiam kan in hal hna. Credit: The Chin Express

Thawnpang Dang: Thawngṭha: US le Malaysia Cozah nih NUG cozah an ton. US Ramdang Vuanci Zung le Malaysia Ramdang Vuanci Zung nih NUG cozah Ramdang Vuanci Zin Mar Aung an ton. US Ramdang Vuanci Changtu Pi Wendy Sherman nih, “NUG cozah in Zin Mar Aung he tonbiaruahnak kan ngei. Myanmar ram democracy ngahter ṭhan dingin aa zuammi vialte kan ṭanpi hna nak kan langhter,” tiah a chim.

Uknak chuttu Myanmar ralkap cu pehzulh in harnak kan pek peng, cun Myanmar ram ah dinfelnak le daihnak a len khawhnak hnga ASEAN le kan ṭanṭi ramdang pawl he kan i bawm,” tiah a chimchap. US President Joe Biden nih Myanmar innpa ASEAN ram pawl cu Washington DC ah a auh hna i Myanmar ram democracy ngahter ṭhan dingin khua a khanpi hna. Mah meeting a va kai vemi Malaysia Ramdang Vuanci Pu Saifuddin Abdullah nih NUG cozah Ramdang Vuanci Zin Mar Aung cu tonbiaruahnak a ngeih ve.

Malaysia Ramdang Vuanci nih, “NUG Myanmar Ramdang Vuanci he pumpak in tonbiaruahnak kan ngei. Malaysia nih Myanmar mipi kan dirpi mi hna le kan ṭanpi mi hna ka chimh. Cun, Myanmar ram ah daihnak le democracy lenter ṭhan dingin rianṭuan ding redi kan simi zong ka chimh,” tiah a chim. Vuanci Zin Mar Aung nih Myanmar boruak thar le ralzaam bawmhnak kong, ralzaam fim cawnnak kong, tbk. NUG cozah nih harnak a tonmi kong pawl aa ka chimh ve,” tiah a chimchap.

US President Joe Biden le ASEAN hruaitu pawl tonbiaruahnak an ngeih hnu ah lungtlinnak cathanh an chuah. ASEAN nih Myanmar ram daihnak caah tuah ding bia 5 a rak khiahmi kha a rannak in tuah ding timi zong cathanh ah an telh. ASEAN nihhin NUG cozah tonnak lam ser ding asi, tiin Malaysia nih biatung a dirhmi hi US cozah kan lungtling, ti zong an telh. Mah cucu Myanmar ralkap nih fak takin a doh colh (a thinphang tuk rua).

Note: Kan tei thluahmah cang ti cu mah thawngpang hi tatte asi ko, tiin ka ruah — Australia ka phakka si i kai manh lo ngai caah caṭial kai tim rih lo nain a herh tukmi si tiin ka ruah caah le Lai media pawl nih an ṭialmi ka hmuh lo caah ka hung ṭial tami asi. Credit – AC

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum