Miphun le ram caah tiin nun nak pek tiang in riantuantu hna kan pasaltha hna hi cu upat tlak taktak an si zeitik kan thih lai ti hmanh hngal lo tein lung nuam tein ral mipi caah

Miphun le ram caah tiin nun nak pek tiang in riantuantu hna kan pasaltha hna hi cu upat tlak taktak an si zeitik kan thih lai ti hmanh hngal lo tein lung nuam tein ral mipi caah an kan doh piak mah i acaan caan ah cun mipi lei in soisel tu an um an caah cun zeitluk in dah ahar laimu nu le pa dawt cio mi nun nak tam pi an liam cang tantak michungkhar caah cun zeitik hmanh ah philh ni an um ti lailo mu atangrih mi caah nang kei tuanvo kan ngei biatak tein thlaza cam bawm ko hna uh sih mah le ti khawh tawk cio in bawm hna uh sih.

 

 

Kalaymyo, Pyidawtha Khuami Hauh Khan Pau Cu Hriamtlai Phu Pakhat Nih SAC Ralkap Sin Ah An Kalpi: Sagaing ramthen, Kalaymyo Pyidawtha khua nih khuanu khuapa can ah an hmanmi U Hauh Khan Pau(kum 45) cu aho si theih lo mi hriamtlai phu pakhat nih nizaan September 9 chunhnu suimilam 2:00 hrawng ah an tlaih i, SAC ralkap sin ah an kalpi tiah tualchung mi nih an chim.

 

Cun, SAC ralkap lei ah tang in thawngthanhnak a tuah tawntu telegram nih PDF chungtel Hauh Khan Pau cu pistol pakhat le kuan he kan tlaih, tiah an langhter.

 

“September 9, chunhnu suimilam 2:00 hrawng ah U Hauh Khan Laung cu khuachung ah aa chawh lio ah, private motor pakhat in minung 5 hrawng nih biahalnak zong tuah hmasa loin, an tukvelh hnu ah an kalpi. A tlaitu hna zong aho an si theih a si lo.

 

 

U Pau cu khuachung ah i bochan mi upa pakhat a si leng ah ZYA-Zomi mi bawmchantu phu i hruaitu pakhat zong a si. A mah cu midai te a si, zei bantuk hriamtlai phu he hmanh pehtlaihnak a ngeimi a si lo. Atu bantuk a ruang um loin tukvelh le tlaihkhih a tonmi kong ah a chungkhar zong nih an cohlan khawh ding a si lo leng ah khuachung mipi kan ngaihchia tuk,” tiah U Pau tlaih a ton lio ah a hmutu tualchung mi pakhat nih a chim.

 

RELCHAP: Magway Ramthen, Yaw Hmunram PDF Sakhan Pakhat Cu SAC Ralkap Nih An Khangh! “Hriamnam thazaang aa thlau tuk caah kan sakhan pakhat cu SAC ralkap pawl nih an kan hrawhpiak,” tiah Magway ramthen, Yaw hrambunh The Youth Force (Saw&Kyaukhtu) nih nihin September 11 ah cathanh an chuah.

“Nizaan September 10 ah tat-mah 77 in minung thazaang 90 he rallam sialtu SAC ralkap hna cu TYF hmunram chung ah an lut i, Kyaukhtu hrambunh in hriamngan an thlah, hmaitonh i kahdoh ding ah kan thazaang aa thlau tuk caah kan sakhan cu kan chuahtak,” tiah TYF in tuanvo ngeitu nih a chim.

TYF phu hna cu an him dih nain, an kaltakmi sakhan le thlam hna cu SAC ralkap nih an khangh dih. Cun, cu sakhan pawng ah a ummi tualchung mi hna thlaam le leeng zong an khangh dih hna, tiah TYF nih an langhter.