Minung Tampi Nih An I Citmi Bus A Let

Myawaddy-Kawkareik lam ah bus break ṭhat lo ruangah a let. 13, 10, 2021: Karen ramthen, Myawaddy-Kawkareik Asia lam ah Thailand ram in ra tlung Myanmar mi kuli tua pawl citmi bus (hmanlung) a let, tiah theih a si. Bus cittu pawl lakah pa 7 le nu 3 cu liam an tuar i Myawaddy, Thingangnyinaung Myothit niih tlawmngai hnatuantu pawl nih senpi sizung ah an kal pi.

Hliam tuartu lakah pa 2 le nu 1 cu an lung dongh ngai tiah tlawmngai pawlkom sin in theih a si. Hi hmanlung bus i a cittu pawl cu Thailand ram in ra tlung Myanmar hnatuantu pawl an si ih Myawaddy ramri Kauk Lung Gyi sakhan ah Quarantine ni tling tein an um hnu ah Myawaddy in Rakhine ram panh ding in kal an si, tiah Quarantine Center i riantuantu pakhat ni a chim.

Hitin bus an cangsualnak a ruang cu hi bus hlunpi an hmang i break a that lo ruang ah a si,” tiah mit in hmutu pakhat nih a chim. Rel chap – Tiotak mi Thantlang khua ah khuami cheukhat nih siaherh thilri motor 40 he an lak cio hna. Nihin October 13 ah aking cang mi Thantlang khua ah siaherh deuh mi thilri cu khuami cheukhat nih motor 40 he an lak cio hna, tiah kan theih.

October 13 le 14 chung hi thilri lak caan kan ti i nihin ah tluang tein kan lak khawh hna. Vailam Tlang, Bual Peng, Zophei, Vanzang Tlang le Hakha lei tiin motor ahme he angan he 40 in kan thil siaherh mi cio kan lak khawh. Tluang tein kan um nak cio ah kan kir kho i kan hnangam,” tiah Thantlang Khuanu Khuapa Pu Ram Khar nih a chim. Thaizing Octobe 14 hi cu kan nunnak a him nakhnga ahohmanh Thantlang khuachung luhlo

Crd – THT