Minung 2000 Fai Kahdohnak Ruang Ah An Zaam

Ni 6 chung ah Matupi Peng minung 2000 fai kahdohnak ruang ah an zaam. Matupi le Paletwa karlak motor lam thluan ah Council ralhrang le CDF Matupi karlak kahdohnak ruang ah khuami minung 2000 fai ralzaam dirhmun in an um tiah theih a si.

Matupi in Paletwa Peng chung ah SAC ralhrang thazaang chap ding in a kal mi hna cu CDF Matupi nih lampi thluanchuak April 10 in April 16 tiang an kah hna i lampi um khua mi hna atu bantuk in an zaamnak a si tiah CDF Matupi hruaitu pakhat nih a chim.

“Paletwa lei ah an thazaang chap ding in a kal mi ralhraang hna cu lampi ah kan kah hna. Hriamnam kan i dan tuk ca ah hnulei kan kir. Hnu kan kir hnu ahhin khuachung ah lut in khuami harnak an pek hna. An thihphaih hna. Innzuat satil an laak dih. Rawl chuannak umkheng tiang an laak dih,” tiah a cunglei hruaitu nih THP ah a chim.

Matupi le Paletwa kar kahdohnak ah SAC ralhraang minung 10 an thi i minung 5 fak ngai in hliam an tuar. Hmaitonh in ni thum chung kaphnih kar ah kahdohnak a chuak tiah CDF Matupi nih 2022 April 16 ah cathanh a chuah.

Kahdohnak ruang ah a zaam mi hi a khua in khua 6 an si i, hi khua 6 chung ah Walanpi ti mi khuami hna nih Fur chung ei ding an chiah mi an rawlruuk cu Council ralhrang nih an khanghpiak dih hna tiah theih a si. Pehtlaihnak Phone line pawl an phih dih ca ah ralzaam dirhmun in a dir mi zat le zei bantuk harnak dah an ton ti hi fiang in kan thei kho thlu rih lo tiah a cunglei minung nih a chimchap. Crd – THP

Rel chap – ┬áKum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum