Minung 18 Cu Hriamthil He Tlaih An Si

April 6 zanlei sml 1:10 hrawng ah Yangon, South Okkalarpah peng Taantuhma(သံသုမာ) lam ah a um mi KBZ bank phaisa firnak ah aa tel mi chung in, minung 18 cu phaisa, hriamthil le rithaisii tlang pawl he April 8 ah tlaih an si, tiah SAC nih an thanh. KBZ bank branch luhhnawhtu hi pa 9 an si i, phaisa Ks. Sing 2170 tluk an rak laak.

South Okkalarpah palik sakhan nih (u) 167/ 2022, phungrelnak – 395/323 in case an on i, bank luhhnawhtu hna cu biatak tein an hlathlai hna. Bank luhhnawhtu hna nih an hman mi YGN 7D-3400 TOYOTA PROBOX motor cu YGN CC-8336 No. in an thlen tiah hmuh a si caah April 8 zing Sml 9:15 ah Sanchaung peng Buta sang, Hung(ဟုမ်း)no. 4 lam No. (147) ah a um mi Ar Ka Kyaw(အာကာကျော်) kum 41 he Orange store ah tlaih a si.

Bank a luhhnawhtu le anmah he aa pehtlai mi lak i minung 18 cu phaisa Ks. 1551,830,000,  kutcheh bomb lung 4, paistol zuun 1, kutser meithal zuun 2, glue gun zuun 1, kyin sat 2, point 22 kuanfang 49, 12 Bo kuan 5, Drone 2, 380 AUTO kuan 1, granate 3, zeen kep 10 le rithaisii pum 5 he tlaih an si, tiah SAC nih an thanh. Bank suamnak ah aa tel i, a zaam mi minung 5 cu tlaih ṭhan an si i, phung ning tein hma lak ding in an i zuam cuahmah, tiah theih a si.  Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum