Minung 10 An Tlaih Hna

Karenni (Kayah) ramkulh Loikaw pengkomh, Loilinlay, Pingchit khua ah rithaisii a zuartu 10 hna cu Karenni Nationalities Defense Force( KNDF Battalion 14 le Karenni State Police ( KSP) hna nih kan tlaih hna, tiah April 22 ah cathanh an chuah. Loilinlay khua um Kum 20 hrawng a si mi pa pakhat cu April 22 zanlei 3:00 hrawngah WY aa ṭialmi rithaisii tlang 231 he leikuang ah kan va tlaih, tiah.

Karenni Nationalities Defense Force( KNDF Battalion 14 nih cathanh an chuah. Tlaih a tongmi le anmah he pehtlaihnak a ngeimi minung 9 hna cu, Karenni Nationalities Defense Force( KNDF Battalion 14 nih zan sml 5:00 hrawngah thilri hna he Karenni State Police ( KSP) sin ah an va ap hna tiah kan theih. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum

Ayeyarwaddy ramṭthen, Wakhema(ဝါးခယ်မ) pengkomh ah SAC ralkap kuttang rianṭuantu, khuabawi 4 nih April 22 ah an rian an chuah tak, tiah tualchung mi sin in kan theih. Cu khuabawi hna cu Dayin(ဒရင်း) khuakomh khuabawi Than Thun, Paihṭalay(ပိတ္တာလေး) khuakomh khuabawi Thein Thun, SatHtone(စပ်ထုံး) khuabawi Than Zaw le Nanayelaung(နန်းအဲလောင်း) khuabawi Myint Hte hna an si, tiah kan theih.

Voikhat chuah hh 4 an chuak, a hlan zongah a rian a chuah takmi zong an um i, phuah a tongmi zong an rak um. Khuakomh khuabawi thah a tongmi zong an um i an thah hna lio video an hmuh caah an rian in an chuah hi a si,” tiah tualchung mi pakhat nih a chim. A luancia April 19 zaan ah Ngapuṭaw( ငပုတော) pengkomh Ngapyima(ငါးပြေမ) khuabawi .

Zaw Thun cu a inn ah an thah lio video cu social media ah a lang sar ngaingai, Ayeyarwaddy ramtthen chungah Mizapi hriamtlai nih SAC kuttang rianṭuan khuabawi pawl hi kan fimhlawm dih hna lai, tiah cathanh an chuah. Thah a tongmi khuabawi hna aiawh ah SAC ralkap nih, midang thim an timh i anmah lei ṭang lawng an thim hna, tiah tualchung ummi sinin kan theih.