Mino Pakhat Bomb Lamh Sual Ruang Ah A Ke Bul

Paletwa Ah Kum 20 Hrawng Mino Pakhat Bomb Lamh Sual Ruang Ah A Ke Bul. Chin ramkulh, Paletwa peng Ngachia khua Khumi Chin (ခူမီး) miphun, mino pakhat cu bomb lamh sual ruangah a ke orhlei a bul deng caah Sittwe(စစ်တွေ) sii-inn ah an kalpi, tiah bawmchantu hna nih an chim.

May 29 zanlei sml 3:00 hrawng ah an khua in meng 1 hrawng a hlatnak Mikyaung(မီးကျောင်း) tlang, lo a kal i a rak tlun lei ah bomb aa lamh sual,” tiah Kyaukdaw khua bawmchantu phu in An hruaitu Ngi Puh nih a chim. Orhlei a ke fiangbeo kam in a bul deng. Tan ding dirhmun a si ko. A pum chung zong ah hliamhma a khat, a holh cu holh kho ko,” tiah a chimchap.

Kum 20 hrawng mino Ngachia khua Khumi Chin miphun Aung Aung Oo cu lo rian a ṭuanmi a si, tiah a chungkhar nih an chim. Aung Aung Oo cu bomb nih a puahnak hmun i Bawmchantu phu hna nih vokkuanglawng in Kyauktaw lei an kalpi i, Sittwe mizaw motor nih a laak, tiah Ngi Puh nih a chim.

Mikyaung tlang cu a luancia 2018 kum ah SAC ralkap le AA karah kahdohnak a chuahnak hmun a si pin ah SAC ralkap umhmun an khuarnak a si, tiah tualchung mi hna nih an chim. Tawngpang Dang: Maungdaw Peng MaungNi Khua Ah Ngakchia 3 Ti Ah An Pam Rakhine ramkulh, Maungdaw peng, MaungNi khua pawng Payun tidil ah nga a kawl mi ngakchia 3 cu May 29 zanlei Sml 4:00 hrawng ah ti an pam

Maungdaw khuapi Myomah Taung veng khuauk bawi Maung Hla Thein(&မောင်လှသိန်း) nih ” Ngakchia 3 cu khua pawng Payun tidil ah nga an va kawl i an 3 ning in ti ah an tla i an thi. Ruahpi a sur tuk caah cu Payun Tidil cu ti a liam caah a si ” tiah a chim. Ti ah a pam mi hna cu a Alova Wasamat @ Elias(kum 7), Makabu @Janaw Ein le( kum 9) Mayzu@ Jaburamin hna( kum 10) an si tiah a chim.

Abik in MaungDaw(မောင်တော) khua hrawng mipi hna cu an rian a tlamtling lo tuk, thilman nih a kai chin i eidin zong a har chin. Cu caah ngakchia hna cu nga an kawl, ti a ngan an h lo caah a tu bantuk in thil an tonnak hi a si ” tiah Myomah Taung (မြို့မတောင်)veng khuabawi nih a chim.Credit – The Chin Post

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum