Mino kan si hna bantuk in hmailei ruahchanmi kan ngei ,Nuai Oo dohthlennak ralkap hna hi a sungsai mi mino kan si hna

Kalay PDF nih Kuan khamnak phaw (10) an cawk PDF – Kalay (B-2 ) Cu Japan ram a phanmi hna bawmhchanh nak in kuanfang kham nak phaw zun ( 10 ) ralhmaikal mi hna caah an cawk tiah theih a si.

 

Raldoh ti mi cu Duhdawt mi le Nunnak thap in i cochuah a si mi cawiliam nak a fak ngai mi lente celh phun khat a si .Kuan kham nak phaw pakhat nih Kuanfang hna cu direct in akham kho lo na in a huaha lo i fah tuarnak le thih nak zei mawzat cu a kham khawh.

 

 

Mino kan si hna bantuk in hmailei ruahchanmi kan ngei ,Nuai Oo dohthlennak ralkap hna hi a sungsai mi mino kan si hna.Tuban tuk in tlanti le zaangba in hmuhmi chung in nan kan bawmh mi ah PDF – Kalay (B-2 ) ralkap hna nih lomhnak tampi kanngei tiah an chim nak cu theih a si.

 

Cun PDF – Kalay ( B -2)nih. Inn a ngai tu caah Gun zunkhat ti mi a voikhatnak Challenge ngeih antimh tiah theih chih a si.

 

Sagaing ramthen, Sagaing peng khuate ah September 1-17 tiang ah tualchung mi 7 nak tlawm lo thah an tong. A thimi hna chungah khuabawi zong an i tel, tiah mi bawmchantu phu sinin theih a si.

 

“Nizan September 16 ni zinglei sml 2:00 hrawng ah Sagaing peng Sinmay(ဆင်မြေ) khuami Nan Aung Thu(50) le Phyo Min Thu(35) hna cu an inn ah hriamtlai phu khat nih an thah hna,” tiah mi bawmchantu pakhat nih a chim.

 

September 14 zan sml 11:00 hrawng ah Sagaing peng Aungsipin(အောင်စည်ပင်) khua i, inn zaa uktu Win Khine cu a inn ah a um lioah hngalh lomi hriamtlai phukhat nih an thah, tiah theih a si.

 

September 12 zanlei sml 4:00 hrawng ah Sagaing khua Nilar sang No.3 Sagaing-Shwe Bo pengkomh kalnak lam ah kum 20 tluk nu pakhat le kum 30 tluk nu pakhat cu an hmai hup buin thah an tong. An ruak pawng ah kum 2 tluk ngakchia pakhat zong an hmuh, tiah theih a si.

 

September 8 zanlei sml 1:00 hrawng ah Sagaing peng Htantaw(ထန်းတော) khuami Zaw Ye Aung cu a inn ah hngalh lomi hriamtlai phu nih nam in an sawh i a thi.

 

September 1 zinglei sml 6:00 ah Sagaing khua Seti(စည်တီး) sang ummi Kyaw Naing zong minung 2 nih an rak kah thah.