July 26, 2022 ah SAC ralkap hna cu Mindat khuachung ah lut in khuami pakhat sui fangnga tlai le phaisa sing 15 an laak piak leng ah a zuatmi Meheh pakhat an thah, tiah theih a si. Culio ah July 27 zaan suimilam 10:00 hrawng khan Mindat peng cheukhat khua ah cun phone line hman khawh than a si cang, tiah theih a si. Cupinah Nizan zaanlei suimilam 4:30 hrawng ah Mindat khua tlanghrawn ah drone pakhat suimilam pakhat hrawng aa hel, tiah theih a si.
Nihin July 28, zinglei suimilam 10:25 hrawng ah SAC ralkap 100 leng cu Yeshin khua ah lut in chekhlatnak an tuahcaahtualchung mizapi hna cu Mindat – Kyaukhtu lampi hmang rih lo ding in CDF-Mindat nih thawngthanhnak an tuah.
SAC ralkap hna nih Mindat pengchung khuate lei ah drone zeimawzat thlah in hlathlainak an tuah caah ruahlopi in khuate lei ah kahdohnak a chuak kho. Cucaah mizapi cu ralring te i um cio ding ah CDF-Mindat nih ralrin peknak le theihternak cathanh an chuah
Lawngtlai, 27 Chiapa 2022 : American nih phihkharnak tuah lai a phan caah Russia Helicopter 16 cawk dingin lungtlinmi cu Philippine cozah nih a let than.Hi Helicopter cawknak dingah American Dollar 277 nuai man lungtlinnak minthut cu President Rodrigo Duterte nih a fehter nain President caan a dih 30 Pur hlan ah a rak hnon cang tiah runvennak minister Delfin Lorenzana nih AP media sinah nihnih ni ah khan a chim.
Lungtlinnak minthut cu nikum Sikpar thla ah tuah a si i, a voikhatnak ah Helicopter 2 Russia nih kuat ding a si, hi zuarthlainak le cawknak kong ah American nih phihkharnak a tuah khawh tiah a chim chap. American – Russia puarthaunak zong a chuah khawh caah, American nih hi kongkau ah a herh lo tiah an langhter. American nih Philippine ralkap caah Helicopter zuarh dingin aa zuam tiah a bia a peh chap.
Ukraine cu Russia nih a luhhnawhmi ngol dingin UN nih Vaute thla khan biachahnak a tuahmi cu Philippine zong nih a lungtlin pi, President Rodrigo Duterte kutchung ah China, Russia, hna he naihniam ngai in a ummi Philippine cu American he min a țhumi hawikom ram a si.
Credit;The Chin Post