Mindat lei panh in ralhrang mawtaw 105 cu an rak kai than,

Mindat lut ralhrang hna cu drone in an ngiat hna tikah ralhrang motor 105 chungah Chauhtaung timi lei kapah hmunkhuarmi an um.Mindat pengchungah ralhrang raltuknak vanlawng zong a zuan len caah mipi i ralrin cio dingah Mindat hruaitu hna nih thanhnak an tuah.Rakhine ramkulh, Maungdaw peng ah SAC ralkap le palik a thimi le palik bawi telh in AA nih an tlaihnak hna muicawl cu nihin July 19 ah AA nih an langhter.Cu muicawl ah palik 4 hrawng cu motor chungah an ruak hmuh khawh a si. Palik 14 cu hriamnam an chiah.

Rakhine ramkulh, Maungtdaw peng ah SAC ralkap le AA kahdohnak ah palik bawi 1 cu hriamnam a chiah i, palik 14 zong AA nih antlaih hna. Meithal zun 26 le zen-kuan tam ngai zong an chuh hna, tiah Arakan Princess Media nih a langhter.“Hiti kan kahnak hna a ruang hi Karen ramkulh um AA camp cu, SAC ralkap nih bomb an rak thlak caah teirul kan chammi hna a si,” tiah AA chimphuannak nawlngeitu Khine Tu Khah nih a chim.Nizan July 18 zing sml 9:00 hrawng ah Rakhine ramkulh, Maungtaw peng Sawng Pangia le

 

SanKaaPinYin) karah voikhat, zing sml 10:30 hrawng ah DonKaLar le WatCingkhua karah voikhat cu SAC ralkap le ramri hngak hriamtlai i bawm in AA he kahdohnak a chuak, tiah theih a si.Cu kahdohnak ah palik bawi telh in palik 14 cu hriamnam an chiah. Pistol zun 2, meithal zun 24 le zen-kuan tam ngai AA nih an chuh hna, tiah theih a si.

 

Pakokku Peng Ah SAC Ralkap Duty Post Pakhat Cu PDF phufonh Nih An Kah
Magwe ramThen Pakokku peng nichuahlei Bongkaankhua i SAC ralkap duty post cu nihin (July 19) ”Martyr’s Day’ AZa Ni Neh camtuak ah hriamngan in kan kah, tiah Southern YSO PDF Tuanvo ngeitu sin in theih a si.Tu zaanlei Sml 5 hrawng ah duty post cu luhhnawh in 40mm in voi 11 kan kah i, hriamhme le sniper zong in kan kah hna, kanmah lei in ralkap pakhat hliam a pu, tiah Southern YSO PDF

 

in Tuanvo ngeitu Bo Aung Maung nih cun a chim.Duty post ah cun SAC ralkap le pyosawti 25 fai an um i, kahdohnak ah a thi mi le hliam tuar mi zat cu fiang in theih a si rih lo. Atu tiang ah cun Pakokku siizung ah SAC ralkap 2 an thi, tiah theih a si.Cu kahdohnak ah cun Southern YSO PDF, Taanmanih Thinghngek (Myaing) Ranger (PKU) Young Force (UG) le RSO (PKU) hriamtlai phu hna an i bawm, tiah theih a si.
credit ;The Chin Post