Mindat-CDF Le SAC Ralhrang An I Phomh Than

Mindat-CDF le SAC Ralhrang Hmun 2 ah an i Kap, CDF lei Hliampu/Mithi Um Lo. Pakokku lei in a rami SAC ralhrang motor 16 cu nihin zaanlei sml. 3:00 hrawng ah Mindat lei ah aa tlar an kai hna. Thazaang an chap cuahmah.Nihin (July 21) zaanlei sml. 3:00 tiang ah Mindat-CDF le SAC ralhrang karlak.

Kahdohnak voi 2 a chuak, tiah thawng kan theih. Zinglei sml. 6:45 hrawng ah Chin ramkulh le Magwe ramri, Shwedwin Too khuate pawng ah a voi khatnak an i kap. Shwe Taung Tha khua in Mindat lei ah SAC ralhrang pawl motor in an rak rat caah ramri ah kahdohnak a chuah hi a si. Sml. 3:00 hrawng ah SAC ralhrang motor 16 cu Mindat lei ah an kai thluahmah.

Tiah Mindat zatlangbu rianttuantu pakhat nih a chim. Motor 16 in a rak rami SAC ralhrang pawl hi Pakokku hrambunh SAC Battalion No. 101 an si. Kahdohnak a thar in a chuah tthanmi kong he pehtlai in Mindat mipi uktu bu ah ttuanvo ngei upa pakhat nih, “Abikin, kap hnih ceihmainak a tlamtlin lo ruang a si ko.Kanmah nih kan halmi le anmah.

Lei nih an duhmi aa dang tuk,” tiah RFA ah a chim. Zinglei ah Magwe-Chin ramri ah an i kah hnu ah chun sml. 12:00 hrawng ah Mindat he meng 30 hrawng a hlatnak khuate pakhat pawng ah an i kap tthan. Khuami 200 hrawng zong kahdohnak ruang ah hmundang ah an zaam dih hna, tiah a cunglei upa nih a chim. Nihin nikhat chung hmun hnih an i kahnak ah.

Mindat-CDF lei in a thimi le hliam a pumi an um lo. SAC ralhrang lei tu in a thimi le hliam a pumi an um nain dikthlir in thil sining kan theih kho rih lo, tiah a cunglei upa nih a langhter chap. Atu tiang ah SAC ralhrang nih thazaang an chap cuahmah caah Mindat peng ah kahdohnak hi  pehzul in a fak kho, tiah an ruahdamh.