Min AungHlaing japan kalding in timh tuah nak angei

Japan prime minister hlun Shinzo Abe ruak humhnak ah rak rat ve ding in SAC hruaitu Min Aung Hliang cu Japan ram nih an sawm i kal aa tiah tiah thawng a thang.” September 27 ah tuah ding mi Japan prime minister hlun Shinzo Abe ruak humhnak ah Japan nih SAC hruaitu Min Aung Hliang an sawm caah a tlawng kho mi a si,” tiah Human Right Watch(HRW) i Asia ram tuanvo ngeitu Mr.Tapa Kasai nih Twitter in ah a tial.

Japan ram nih an sawm mi cu ram kip nih an hnon a tong mi SAC hruaitu caah Ministry of Planning and Finance ah hlawhtlinak a si tiin zumhning le ruahning karhternak mizapi sin ah chimnak ding ah caan țha ah a can ter lai.Ruak humhnak ah cun ramdang in hmaizah awk a tlak mi minung paoh sawm an si lai tiah Japan Cabinet Secretary Hiroka Matsunoka nihnai te ah khan a chim.Asinain, Janoan cozah nih Russia president Vladimir Putin tu cu ruak hmunhnak ah rat ve a duh hmanh ah sawm a si lai lo tiah Japan newspaper Shinkine ah an langhter mi ning in tial a si.

 

SAC hruaitu cu ramkip nih hnon mi a si lio ah Japan nih tlawn ding in an sawm mi cu a voikhat nak lawng a si ti lo. Rohingya pawl fak tuk in thah nak kong ah data a latu HNHCR nih record a chuah hnu ah ram kip nih an mawh chiat lio 2019 chung ah prime minister Shinzo Abe a tuan lio ah Japan Ministry of Defense nih SAC hruitu General Min Aung Hliang i an rak sawm bal cangPrime Minnister hlun Shinzo Abe cu tu thla thla hram thok ah Japan ram nitlaklei Naga khuapi ah election caah biachimnak a ngeih lio ah kah thah a tong. A kap tu cu an tlaih colh i tazacuai a si.

Kalay In A Chuak Mi SAC Ralkap Mawtaw Bomb An Puah Hnawh, 5 An ThiSagaing ramțhen, Kalay peng Dah-Kah-Sa(Kalay) camp in a chuak mi SAC ralkap mawtaw pakhat cu ”Operation MoMo” nih July 23 zing slm 7:30 ah bomb kan puah hna i SAC ralkap 5 an thih pin ah hliamtuar an tam tiah “Operation MoMo” nih an thanh.SAC ralkap pawl nihcun Ihkhun 100 siizung a hngakmi an hawi le cu rak kan bawm uh tiah an chawnh len hna nai ” leng kan chuak ngam ve lo ‘ tiah an leh hna tiah Operation MoMo ralkap pakhat nih a chim. Khuapi chung Operation( kahdoh) hi a har tuk i phaisa tamtuk a dih caah mizapi nih bawmhnak pek daithlan lo ding le SAC ralkap he naihniam te umlo ding ah an cathanh ah an langhter

Myanmar-Thailand ramri Myawady in Kokarate lei ah a kalmi vanlawng petrol phortu motor pakhat cu nihin July 23, zinglei suimilam 10:00 hrawngah Kokarate khualuhnak motor lampi ah a ho si hngalh lo mi hriamtlai phu nih an kah caah cu motor cu a kaang tiah khualtlawng mi hna nih an chim.” Myawady in thil phuntling an phorh tawn, petrol hna zong an phorh. SAC ralkap nih hmanmi vanlawng petrol zong an phorh tawn, an caah cun ral a tam ngai, SAC ralkap cu mi tampi nih dohmi an si caah an tuahmi thilk kip cu doh le hrawhpiak an si ko lai” tiah khualtlawng mi pakhat nih cun a chim

.

Nihin July 23 ah Hakha, Khuathar sang ah a ummi Pu Man Thar te inn cu SAC ralhrang nih an chuh hna i an inn kutka ah catar zong an benh. SAC ralhrang nih Myanmar ram uknak an chuh hnu, CDF an dirh ka hrawng ah khan Pu Man Thar te i an tupa te nih SAC ralhrang pawl zu a dangh hna i an rit karlak ah meithal pakhat a lak i a zaampi khawh. Thil sining a theitu minung pakhat nih, “CDF an rak dirh

ka hrawng ah khan a si. An tupate nih ralkap pawl aa komhter hna i zu a dangh hna. Zu an rit karlak ah an meithal pakhat a lak i a zaampi. Cu caan thawk cun ralkap nih an chungkhar hi an kawl lengmang hna,” tiah The Chin Journal ah a chim. SAC ralhrang meithal a zaampitu Hakha mino pate hi himnak hmun ah a phaknak a sau cang. A pule Pu Man Thar te zong Hakha ah um loin hmundang ah an zaamnak a sau ngai cang, tiah thawng kan theih.