Miley sui hi arak men lo Chin Mi si nak ti mi hla avan sak cu asa tu nak in hlah maw athiam deuh ti fawite

Miley Sui hi arak men loh hih Atlinh Dih ko A aw tha amui aidawh fawn catang ngei asi fawn Miphun Ram adaw fawn Pathian atih mi asi fawn uar um kho taktak mah man tuk hi kan ram nih kan herh taktak mi an si Bawipa tu n ih hmang chin ko seh ram le miphun caah N u sal tha si ter chinchin ko seh.

 

 

 

AA le SAC ralkap kar kahdohnak a cangmi ruangah a luancia August thla in Rakhine le Chin ramkulh thlanglei ah ralzaam 20,000 hrawng an karh tiah UNOCHA nih cathanh an chuah.

 

 

 

A luancia August thla in minung 17,400 hrawng nih an umnak hmun an kaltak i cu hlan ah ralzaam dirhmun a rak phanmi hna he cun ralzaam 91,000 leng tiang an karh cang tiah UNOCHA nih October 1 ah cathanh an chuah.

 

 

 

Ramchung dihlak huap in ralzaam dihlak nuai 1.3 leng an si cang, raltuknak ruangah le buaibainak ruangah minung 2400 tluk hrawng nunnak a liam i, cu chung ah cun ngakchia 188 an i tel tiah theih a si.

 

 

Ramchung le ramkip mi bawmchantu phu hna nih harnak a tongmi hna sin ah an herhmi bawmhnak pek dingin an i zuamko nain, ralzaam harnak tongmi hna umnak tiang bawmhchanhnak pek a har chin cang tiah an cathanh chuahmi ah cun an langhter.

 

 

 

Relchap,Indonesia ram pumpululh chuih ruang buainak ah mi 120 leng thi, 180 hliam tuar,Nizaan ah khan Indonesia ram nichuah Java ah Arema FC le Persebaya Surebaya phu an chuih i goal 3-2 in Arema FC an sungh caah anmah a ttanh tu mizapi cu certual ah an ttum i an buai.

 

Police nih a rannak in an kham hna nain an kham kho hna lo i khat lei phu taanhtu hna zong an rak ttum ve caah buainak a sang chin.

Cu buainak ruangah cun minung 129 an thi i minung 180 hliam an tuar tiah East Java police bawi Nico Afinta nih a langhter.
A thi mi hna lak ahhin palik minung 2 an i tel. Minung 34 cu certual chungah an thi, a dang tu hi Sizung an phak hnu ah an hliam hma tuar kho lo in an thi hna tiah a langhter chap.