Mi 15 SAC Ralkap Nih An Tlaih Hna

Ayeyawady ramthen, Ngapuhtaw(ငပုတော) peng Haigyikyun ah ummi Ngapimah(ငါးပြေမ) khuabawi U Zaw Thun (ဉီးဇော်ထွန်း) fimtawl a si hnu ah kum tlinglo minung 3 tel in tualchung mi 15 cu SAC ralkap le palik nih an tlaih hna tiah tualchung mi hna sin in theih a si. U Zaw Thun thah a ton ni April 19 zaan ah tualchung mi 10 tlaih an si i nihin Aprlil 22 ah minung 5 SAC ralkap le palik nih an tlaih than hna tiah tualchung mi nih an chim.

”Zaw Thun thah a ton nizaan bak ah kum 4 ngakchia pate pakhat, kum 5 nute pakhat le kum 12 nute tel in minung 10 an tlaih hna. Khuami hi lo thlawh in a paw aa cawmmi lawng te an si, Zei hmanh a theithiam rih lo mi ngakchia an tlaih chih mi hna hi cu SAC ralkap pawl hi an sual hringhrang ko tiah tualchung mi pakhat nih a chim.
Palik thawng petu an um ruang ah tlaih an ton hi a si tiah a chim chap.

Taih a tong mi mipi hna hi PDF he pehtlaih an ngei lo tiah khuabawi a fimtawl tu Pathein Western Defense Force (P.W.D.F) rian ngeitu pakhat nih Mizzama ah a chim. SAC uk duhlo langhter nak ah aa tel mi Ngapimah (ငါးပြေမ) khuami cheukhat le tualchung mi hna cu SAC ralkap le palik nih an kawl hna i an tlaih hna caah an kan tlaih than sual lai ti’n tualchung mi hna thinphang in an um. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum