Meithal Keng Pawl Nih Kan Lai Baptist Church Pastor An Hruai

Mandalay, Falam Baptist Church Pastor Rev. Thian Lian Sang cu ralkap angki hruk lo, mipa ngai bantuk in um meithal keng pawl nih an inn in an hruai. September 16 zinglei nazi 11:00 hrawngah mi sawh sawh bantuk in um meithal keng pawl cu an inn ah an va lut hnawh i bia hal ding a um tiin an hruai. An inn hmai ah ralkap motor si lo in) 3, bike 3 le minung 20 hrawng an va kal.

Kan inn hmaiah mi sawh sawh angki hruh pakhat a ra i Sayapa aum maw? ti in a ka hal. Um ee kan ti. Bia hal ding ka ngei i ka hal thluh hnuah kan rak thlah than lai a ka ti. Khoika ah kalpi an tim. Zei sakhan ah kalpi an tim ti zong a ka chim lo. An dihlak mask an i hruh thluh i meithal an keng. innchung in phone 5 zong an la. Nan nih zong khoika hman ah rak kal hlah uh. Kan zoh peng ko an ka ti tiin an innpa pakhat in media sinah a chim.

Rev. Thian Lian Sang cu Mandalay i Covid-19 damlo pawl tuamhlawmnak a tel ton. Relchap – Chin Ralzaam pawl Donnak/Dinhnak Hmunhma Bawinu Tiva Kam ah Mizoram lei nih Tha tein an Ser. Chin ramchung (abikin Thantlang) in ralzaam an karh hnu ah ralzaam pawl ttha rein don nakding ah Mizoram lei Bawinu Tiva kam ah ralzaam donnak le dornak hmunhma Mizoram lei nih ttha tein an tuah.

A tanglei hmanthlak hi Lawngtlai District, Pangkhua pawng, Bawinu Tiva kam ah an tuahmi ralzaam dohnak hmun le chikhat dinhmun an sermi a si. Bual Peng Lei Ralzaam ca ah Thawngthanh. Bual peng lei in Mizoram ah a zaammi hna nih Tipi ah Pu Hmun Sang pehtlaih i amah nih alak in tilawng in an phorh hna lai. Asinain, Motorcycle le Sumdawng thilri pawl cu ahlan rate ning in man liam a si lai.

Crd – TCJ