Mandalay Ah SAC Nih Mipi Ralkap Min Putter In Hriamtlai Phu An Ser,

Mandalay Ah SAC Nih Mipi Ralkap Min Putter In Hriamtlai Phu An Ser, Hriam An Tlaihter Hna!Mandalay khuachung ah a luancia ni tlawmpal ahkhan SAC ralkap nih anmah lei tanhtu micheukhat cu hriam tlaihter in mizapi venghimtu phu min an putter hna, tiah theih a si.

SAC ralkap nih thawngthanhnak an tuah ning ah Maharaungmay peng GAD zung ah biaruahnak tuah in hriam an tlaihter hna i, Seinpan sang mizapi runvennak rian tuan ding in meithal tawi 10 le kuan 70 cio an pek hna, tiah an thanh.Sagaing ramthen le Magwe ramthen ah SAC ralkap nih pyi-tuh-sit phu dirh in Mandalay khuachung le hmun dangdang tiang cawlcanghnak an tuah, tiah theih a si.

Hakhathawngpang,BREAKING NEWS: Timit(Lungkhar) lei Ah Kahdohnak A Chuak!Hakha khua leng Timit, Lungkhar lei ah Chin ralkap le SAC ralkap kahdohnak a chuak. Meithal thawng le Bomb thawng pehtlai in a thang.Hakha um Nawi nel lei kap ummi pakhat nih, “Nihin August 1 zanlei sml 4:00 hrawng in meithal thawng le bomb thawng cu pehtlai in a thang. Zanlei sml 5:00 tiang ah pehtlai in a thang rih ko.

Meithal thawng cu voi za leng a si lai. Bomb thawng zong ngol hngal loin a thang, rel cawk a si lo,” tiah The Chin Post ah a chim.
Vanmualthar khuami pakhat zong nih, “Meithal thawng le bomb thawng cu kan khua in a thang tuk,” tiah The Chin Post ah a chim.
Hakha ummi pakhat nih, “Bomb an kah paoh ah mei nganpi a ceu i a khu tam ngai a chuak,” tiah a chim ve.Timit hlei donh ding ah a kalmi SAC ralkap pawl cu Chin ralkap nih a luancia July 30 ah an kah hna caah ralkap a thimi le hliam tuar mi an tam, tiah theih a si.(Timit thluan le lungkhar lei kap ah a hohmanh kal rih lo ding,

Relchap,National Security Council Biaruahnak Ah Pu Henry Van thoi Aa Tel Kho Lo, SAC Nih Uknak Thla 6 An Chap!: Nizaan July 31 ah SAC nih tuahmi National Security Council tonbiaruahnak ah NLD chan Vice President Pu Henry Van Thio cu damlonak zawtfahnak ruangah aa tel kho lo, tiah SAC ralkap thawngzamhnak Myawaddy (MWD) nih nihin August 1 ah a thanh.

 

Pu Henry Van Thio cu a luancia 2020 kum thimnak ah Chin ramkulh, Thantlang peng, Amyotha Hluttaw in teinak a rak hmutu a si.
SAC ralkap nih uknak an laak hnu in Pu Henry Van Thio cu mipi hmai ah aa langh ti lo caah, amah he naihniam in a ummi hna le a chungkhar sinah a konglam le thil sining hlat a si ko nain, nihin tiang thil sining fiang in theih a si rih lo.Nizaan July 31 i SAC National Security Council tonbiaruahnak ah cun SAC ralkap nih thla 6 chung uknak kan chap, tiah biachahnak an tuah.

Credit;The Chin Post