Malaysian ah UN um ti hlah seh refugees um ti hlah tiah ruah nak Malaysia National security council director-general Rodzi Md Saad nihcun ” achim caah

United Nations High Commission for Refugees’ (UNHCR) zung cu khar dingin ruahnak a hun chuahpi.

 

Malaysia ramah UN um ti hlah seh tikha a si ko caah mah a hun chuahpi mi a tlamtlin ahcun, Malaysia um UN hngak ding kal kan Chinmi hna caah ruahchcannak a um ti hnga lo.A bikin a kal thar mi pawl ko caah mu.

CHINMI lawng, kan hnung thla hmasa tiang Malay a phanmi,mincazin an laak mi lawngah Chin mino 3,000 leng a phanthar an si tiah an thanh Credit;Salai William HC.

 

Magway ramThen, Yesagyo peng Gway Cho(ဂွေးချို) khua pawng ah a umhmun khuarmi SAC ralkap le Pyusawhti cu nizan September 7 zinglei ah bomb puahhnawh an tong, tiah theih a si.

 

SAC ralkap le Pyusawhti 6 cu umhmun an khuarnak in farlong 5 a hlatnak hmun ah sentari cawngh ding in an kal lioah bomb in kan puahhnawh hna, tiah Yesagyo Revolution Group-YRG in Tuanvo ngeitu nih a chim.

 

“Zan sml 8:00 hrawng ah SAC ralkap le Pyusawhti cu sentari cawngh ding in an kal lio ah bomb kan puahhnawh hna i, Pyusawhti 2 an thi,” tiah a chim chap.

Cu kahdohnak ah cun Yesagyo Revolution Group-YRG, Shwe Nyar Myae(PDF), KING COBRA People’s Defense Force(PDF), Urban Underground Revolution Force (UURF) phu hna i bawm in an doh hna, tiah theih a si.

Yesagyo peng ah umhmun a khuarmi SAC ralkap Khah Lah Ya 258 le Pyusawhti, an dihlak 70 hrawng cu Gway Cho(ဂွေးချို) ah umhmun an khuar i, a pawngkam um khuate ah atu le atu rallam an sial, tiah theih a si.

Sagaing ramThen, Monywa peng Alone(အလုံ) khua Chin Dwin tiva hlei pawng ah a ummi motor remhnak hmun ah nizan September 7 chun ah meithal le zen-kuan an tlaih, tiah tualchung mi hna nih an chim.

“Chin Dwin tiva hlei pawng ah a ummi Zaw Win motor remhnak hmun ah SAC ralkap le palik nih checkhlatnak an tuah i, minung 4 an tlaih hna pinah meithal le zen-kuan an tlaih,” tiah mithmutu pakhat nih a chim.

Monywa pengkomh palik he aa naihniam mi pakhat nih, “Thawngpang an theih caah Zaw Win motor remhnak hmun cu checkhlatnak an tuah i, M4-16 zun 1, Rifle zun 1 le kuan bawm 1, 40mm kutser meithal zun 1, 12 tha a ngeimi thalpak zun 1, kutser pistol a tawimi zun 1 le a saumi zun 1, meithal kuan 139, phone 1 le a dangdang thilri kan tlaih hna,” tiah a chim.

Monywa peng Alone khua chuah check gate ah a luancia August ah, Yangon in Ye U lei a kalmi khualtlawng an i citmi Express motor chung ah hriamnam le zen-kuan cu SAC ralkap nih an rak tlaih bal cang.