Malaysia Ram Um Chinnu, Naupoi Lio Nih Mual A Kan Liam Tak

Malaysia, Hangtuah, Kuala Lumpur i um Nu Mang Cin Sung cu tulio zawnak in a damlo i zarhhnih hrawng a tuar hnuah HKL siizung ah an panh pi nain ṭhalam pan July 28 nazi 12:30pm ah mual a liam. Kum 25 mi Nu Mang Cin Sung hi Kalaymyo, Tahan i um an si, Pa Lal Badura le Nu Ngun Suai te fanu a si. Nu Mang Cin Sung cu nau poi io a si i Hangtuah.

Kuala Lumpur ah a pasal le fate pakhat, a nule a naule hna he an um.Tantami a pasal, a nu le a unau chungkhat hna Pathian in hnem hram seh. (FPM-FRO, Malaysia). Rel chap – Bawipa khuakhaannak tangah minung hi a ummi asi…! Minung thazaang, minung fimthiamnak, minung thil sermi, minung izuamnak le minung rianṭuannak nih Bawipa khuakhaannak le tinhmi a hrawk kho lo.

Bawipa sin ah sual iphuannak, ingaihchihnak le Amah duhnak kawlnak le Amah nawlngaihnak le Amah zumhnak thawng lawngin Bawipa khuakhaannak le tinhmi hi let khawh asi. Bawipa khuakhaannak le tinhmi chungah zeizong vialte an um dih! Zeizong vialte hi Bawipa nawlngeihnak tangah an cawlcaangmi le a ummi, le a cang dihmi an si. Anmahtein a rak chuakmi vawlei ah zeihmanh an um lo.

Cucaah Bawipa duhnak kawl usih! Kan thang ichuah hlah usih! Bawipa bia lo ning le a duh lo ning in um hrimhrim hlah usih! Bawipa kawl usih! Bawipa Jesuh Khrih lo cun zeihmanh kan tuah khawhmi a um lo. Bawipa zumh cu Amah chungah kan nunnak le kan sining dihlak ciah/pek ngam asi. Minung sinak in kan izuam chung paoh cu Bawipa rian a ṭuan lo caah teinak kan hmu kho lo i, Amah sunparnak kan nunnak ah a lang kho lo.

Thihnak, fahnak, temhinnak, lungretheinak le ngaihchiatnak tu kan co/zun tawn. Zeicahtiah minung ruahnak, fimthiamnak, thilti khawhnak cu Bawipa ruahnak le thinlung he aa kalh! Bawipa duhnak a kawlmi, a nawlngaimi le zumhnak in a nungmi hna lawng nih teinak, luatnak, lawmhnak, hnangamnak le daihnak an hmuh. Cucaah an nunnak ah Bawipa sunparnak a lang!

Credit – James Vannei Lian