Mahte Uknak Le Khuakhan Lairelnak

Mahte Uknak le Khuakhan Lairelnak Kan In Pek Hna Lai Nain Myanmar Ramkomh In Nan Chuak Lai Lo Tiah SAC Nih Chim Mahte uknak le khuakhan lairelnak kan in pek han lai nain ram komh kawlram in nan chuak hrimhrim lai lo, tiah Zaw Min Htun nih NP thawngzamh nih interview an tuahmi ah a chim.

May 19 ah thawngpang fianternak a tuah dih hnuah reporter pakhat nih bia a halmi a lehmi a si. Kanmah dirhmun in tlangcung hriamtlai bu(EAOs) he kan i ton tikah, ramkhel kong ah a sang bikmi thil an kan hal ahcun zeizat tiang dah kan pek khawh hna lai timi kong a chim.

Mahte uknak, mahte khuakhan lairelnak kan in pek hna lai, nain, Zeitik hmanh ah ramkomh kawlram in kan chuak ve lai lo, timi biakamnak nan kan pek ve a hau. Cu biakamnak nan kan pek lo a si ahcun ralkap nih zeitin dah thil kan tuah lai timi cu…mah vial,” tiah interview biahalnak cu a leh.

Tlangcung hriamtlai bu nih zeitik hmanh ah ramkomh kawlram in kan chuah lai lo, tiah biamkamnak an kan pek lomi cu chuah an duh caah a si ko.

“Ramkomh kawlram in an chuak lai lo tiah kan chim kholo, Fawinak chim ahcun chuah an duh caah rampi chawleh chawhrolnak, rampi aa ṭhen lo ding, tlangcungmi i fontomnak, ṭhen cheu lo ding le rampi uknak fehternak caah pakhat an duh ahcun pakhat cu i ceihmai ṭhan a hau lai,” tiah a chim.

Tlangcung hriamtlai hna nih kum 70 leng chung hriam kan tlai cang, Kan covo ngah ṭhan dingah kan hal zungzal ko hna nain, an ka lawng in an chim zungzal, a tak ah an kan pe duh lo, tiah AA nih an chim vem AA ralbawizik General Htun Myat Naing nih Rakhine ram zalonnak hmuh a duhnak kong cu, Bangladesh nifatin chuak Prothom Alo thawngzamhnak interview ah a chim. Min Aung Hlaing le tlangcung hriamtlai cheukhat hna cu May 20 ah Naypyitaw ah tonnak an ngei, tiah theih a si.Credit – The Chin Post

 Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum