Mah tibak ding asi Ralhrang he rian atuan ti mi minung hi cu thah thluahmah ding an si ko

Nizan September 12, ah Nan Hteik Aung(နန်းထိုက်အောင်) raltuknak tiin min kan pek i, SAC ralkap kuttang riantuantu Taungyarkan khuabawipa Maung Yu cu Palaw PDF tangti phu hna nih, Tinkanmaw le Shwelungaw(သင်္ကန်းမော်နှင့် ရွှေလုံးအော် ) karah kan kah thah, tiah cathanh an chuah.

 

“SAC nih nawlngeihnak an lak hnu in khuabawi a tuanmi a si. Pyusawhti chungtel pakhat a si pinah hriamnam zong a ngei. Sualnak tampi zong a tuah caah kan kah thah hi a si,” tiah PRDF in ralkap pakhat nih a chim.

 

 

Khuaibawipa Maung Yu sinah kutcheh bomb lung 2, phone 1, Wave i (125) cycle a rangmi 1, tangka kyats sing 9, registration card 8, WY rithaisii lung 8 le a tlang 1, condom tuah 2, sui kuthrolh 3, sii chunhnak le sii kan tlaih, tiah an langhter. Maung Yu cu ralkap a tla balmi phu ah hruaitu a si pinah CDM tuahtu hna le khuami hna cu a tlerh khawn lengmang hna, tiah PRDF nih an langhter.

Tamu khua in Aung Zeyar khua lei ah a kalmi motor pakhat cu, nizan September 12 ah PDF ni an lunghrinh hna caah checkhlatnak an tuah i, motor chungah tikhalkuang pakhat an hmuh i, cu chungah zu le beer tampi an hmuh, tiah theih a si.
Zu le beer pawl cu SAC nih an chuahmi si loin SAC ralkap nih an cah hna i, an phorhmi hna a si caah PDF Battalion 1 nih kan tlaih, tiah cathanh an chuah.

Motor aa citmi khualtlawng mi hna cu PDF nih checkhlatnak an tuah hna tikah mino pathum sinin lungthin molhternak rithaisii an hmuh i, anmah hmuh lio ah rithaisii cu kan khangh dih. Hi hnu rithaisii hman ti lo ding in kan cawnpiak hna hnuah kan thlah ṭhan hna, tiah an langhter.

SAC nih an chuahmi thilri, an kuttang mi nih an phorhmi thilri, phung ning loin thing hau, phung ning loin caw le naa zuar, rithaisii hman le phung ning loin riantuan i, hmuhmi tangka hna cu kan dohmi a si caah na tuah hrimhrim lai lo. Cuti nan tuah kan in theih hna le kan in hmuh hna ahcun phung ning tein dantat nan si lai, tiah PDF Battalion 1 nih an langhter.