Mah Misual pahnih Ram sual nak angei lo mi an doh cuah mah lio asi ban tuk in mah ti hin an i ton lengmang mi hi thil poi tuk asi

A hramthok in a dongh tiang na zoh hrimhrim lai Ral Tawi Aung caah holh let tu awki kha tha tein vun ngai te hmanh uh.
The 7th Eastern Economic Forum-2022, Ral Tawi Aung Russia a kalnak video ,Tutan Ral Tawi Aung Russia ram a va kal ah Chinpa U Maung Ha aa hruai chih .

https://www.facebook.com/william.hrangsai/videos/5440963812645837https://

Sagaing ramthen, Butalin peng, Dwintaung khua cu nizaan September 6 ah SAC ralkap nih an khangh i, an kirlei ah bomb kan puahhnawh hna, tiah Chindwin Brothers PDF nih nizaan September 6 ah an thanh.

 

 

Dwintaung khua in an kirlei ah SAC ralkap 80 cu Laymay(လေးမြေ) khua le Ngaingthumya(ညောင်သူများ) khua karah ah bomb kan puahhnawh hna. Cu bomb puahnak ah cun SAC ralkap 20 an thi i, 5 faak ngai in hliam an tuar. SAC nih hriamngan le hriamhme hmang in an kan kah ve nain kanmah lei hliamtuar um lo tein hnu kan tolh kho, tiah Chindwin Brothers PDF in tuanvo ngeitu nih a chim.

 

Cu kahdohnak ah cun Chindwin Brothers PDF, Daung Generation, Bu Lah Mauk Seik (ဗိုလ်လမုတ်ဆိတ်) le Royal Diamond hna an i bawm, tiah theih a si.

 

Myinkin Peng Kungmaw Khua Ah PDF Ralkap 2 Thah An Tong, Tualchung Mi 2 SAC Ralkap Nih An Kah Hna: Sagaing ramṭhen, Myinkin peng Kungmaw(ကုန်းမော်) khua cu September 3 ah SAC ralkap nih an luhnawh i, PDF ralkap 2 an thah hna pinah tualchung mi 2 zong meithal in an kah hna, tiah Myinkin PDF nih an thanh.

Thah a tong mi PDF ralkap Mya Din, kum 35 le Soe Min, kum 25 cu meithal in an kah thah hna pinah an tuk, an velh hnanak hma a um, tiah theih a si.

“SAC ralkap pawl cu Kungmaw khua lei in rallam an sial i, khuami 10 leng an tlaih hna. Saihthar(ဆိတ်သာ) khua an phak ah an tlaih than hna. SAC ralkap nih an duhmi thilri vialte cu an i laak dih. PDF ralkap 2 ruak cu Saihthar khua ah kan hmuh hna. September 6 ah an ruak cu an vui hna,” tiah PDF an langhter.

SAC ralkap le Pyusawhti 100 hrawng cu Myinkin peng ah rallam an sial i, Kani peng lei ah an kal. Myinkin peng cu SAC ralkap nih internet le phone line an phih, tiah tualchung mi hna nih an chim.

Nizan September 6 ah Tatchaung(တပ်ချောင်း) khua pawng ah umhmun a khuarmi SAC ralkap pawl cu Myinkin peng PDF nih hriamngan in an kah hna caah ralkap a thimi an um kho, tiah PDF lei nih cun an chim.

 

Ramchung ah hmunkhat tein hramhram uknak doh thawk ni, D-Day thanh ni in peng 250 chung ah Battalion 300 leng kan ser khawh i, cu chung ah peng 24 cu kan uk khawh i kan tlaih khawh cang, tiah caan karlak NUG cozah President Duwa Lashi La nih a chim. Nihin september 7 hi D-Day kum khat tlin camtuak a si.

President Duwa Lashi La nih cun, “D-Day thanh ni in kumkhat chung ah PDF le tlangcung hriamtlai an zapi fonh ah 1,500 leng nih ram le miphun ca ah an nunnak an pek. SAC ralkap lei in 20,000 leng kan thah ve hna pinah 7,000 leng hliamhma an pu. Ralhrang ralkap nih ramchung ah inn 30,000 leng an khangh,” tiah a chim.

PDF Battalion 300 leng kan ser khawh i, ramchung um peng 330 chung ah 250 ah cun hriamtlai phu an cawlcaang. NUG kuttang ah a um lomi hriamtlai pawl he zong a si khawh chung in rian kan tuanti. Peng 24 cu kan uk khawh cang, tiah NUG President nih a chim.

A ra laimi 2023 hi dohthlennak ah a biapi mi kum a si. Hramhram uknak kan tei khawhnak ding ah mizapi lungrual tein kan tanti a herh. Thazaang a thawng tukmi SAC pawl doh ding cu a si kho lo, tiah a rak chimtu mifim cathiam tampi zong D-Day thanh hnu kumkhat a tlin hnu cun an biachim mi aa thleng than cang. SAC cu PDF nih an tei deuh hnanak kong le an hlawh a tlin ziahmahmi an cohlannak kong zong NUG President Duwa Lashi La nih cun a chim.

Yangon Ramthen, Shwepyithar No. 9 Sang Ah In Hra Uktu Pa PDF Nih An Thah, Minung 4 Hliamhma An Pu: Yangon ramthen, Shwepyithar(ရွှေပြည်သာ) peng No. 9 sang um, sang bawi zung cu PDF le Yangon Urban Guerrilla Army (YUGA-Mo 7 Eagles) phu nih nizan September 6 zan ah kan kah i, inn hra uktu pa a thi, tiah Shwepyithar Pah Kah Pha nih cathanh an chuah.

September 6 zan sml 7:45 hrawng ah No. 9 sang um, sang bawi zung cu PDF tangrual phu hna nih an kah caah inn hra uktu Aung Htu a thi i, 4 hliamhma an pu, tiah theih a si. Cupinah September 6 zan sml 9:10 ah No. 9 sang um, sang bawi zung thiamthiam ah bomb puahkehnak a chuak than, tiah theih a si.
Credit;The Chin Post

Karen ramkulh, Mutraw(မူတြော်) pengkomh ah September 2 le 3, nihnih chung ah SAC ralkap kuttang um BGF le KNU Brigade 5 hna kahdohnak a chuak i, SAC ralkap le BGF lei in 13 an thi, tiah KNU-Mutraw News sinin theih a si.

September 3 zing sml 6:00 hrawng ah Dwelu(ဒွယ်လိုး) peng ah a cawlcangmi BGF pawl cu Kawthu Lay Brigade 5 kuttang Battalion 102 nih, an kah hna caah BGF lei in 4 an thi, 5 hliamhma an pu. KNU Kawthu Lay lei in ralkap 1 a nunnak a liam ve, tiah theih a si.

September 2 zing sml 6:28 ah Lutaw(လူသော) peng chung ah umhmun a khuar i a cawl cangmi SAC ralkap pawl cu Kawthu Lay Brigade 5 nih an kah hna caah SAC ralkap 8 an thi, tiah theih a si.

Cu kahdohnak ah cun MA-1 meithal zun 1, MA-2 zun 2, MA-3 zun 2, kutcheh bomb lung 4, RPG-7 kuan 1, phone lung 3, K-3 kuan 1132 le goon bomb lung 15 an laak, tiah theih a si.

SAC ralkap le BGF cu KNU Mutraw pengkomh Brigade 5 ah an cawlcang i, nuhrin covo zong ni fatin in an buar, tiah KNU-Mutraw News nih an langhter.Credit;The Chin Post