Mah man tuk PDF pasaltha ram adaw mi ahawi ca zawngah ape siang tu pasaltha hi kan ram nih aherh

Sagaing ramtthen kahdohnak ah pakhat ah mizapi ralkap pakhat cu a hawile dang luatnak caah tiin hnu ah a um i amah lawng an bawmh caah a nunnak a liam tiah theih a si.

 

Myaing khuapi pengah PDF pasalttha hna le SAC ralhrang karlak kahdohnak a chuak. Cu kahdohnak ahcun PDF pasalttha pakhat Htet Wai Aung (kum 25) cu a hawile dang himnak caah amah lawng hnu ah a um i SAC ralhrang nih amah lawng an kah caah a nunnak a liam tiah MBTT nih an langhter.

 

 

Myaung Bo Tauk Tun (MBTT) Special Force ralkap pakhat Htet Wai Aung hi rampi uknak la tu ralhrang pawl doh awk ah dothlennak a thok ka te khan thatho ngai in a cawlcang mi a si. Cun kan ralkap bu nih kan i bochan mi pasalttha zong a si tiah MBTT nih cun an langhter.

 

Nunnak a liam mi Htet Wai Aung
SAC ralhrang do mi bomb lam sualnak ruangah a nupi le a fa nu te a tantak hna KNU brigade 3 Kawthoolay hmunram ah SAC ralhrang nih an do mi bomb lam sualnak ruangah khuami pakhat nunnak liam tiah theih asi.

Nizaan Zing (September) 22 zing sml 7 hrawng ah khan Nga tlaknak bawm an chih mi an va zoh i an tlun lei ah SAC ralhrang do mi bomb ai lam sual ruangah a nunnak liam tiah khuami hna nih an chim.

“A tu pa he an nga bawm chiah mi cu zingka tein an va zoh, an tlun lei ah SAC ralhrang do mi bomb an i lam sual. Sizung zong ah an kal pi manh lo. Lampi ah a thi a chuak tuk i a nunnak a liam colh” tiah khuami pakhat nih cun a chim.

 

A nunnak a liam mi Pu Saw Aa Htaw nih hin a nupi le a fa nu kum 1 le thla 9 upa mi te a tan tak hna.

 

A thi men hnga lo nain SAC ralhrang nih cu tluk i a thi a chuah ahcun Glucose an thlaih, cun a el deuh in rek lo in a khup par in an rek caah a thi chuah a kham hlei lo i a nunnak a liam hi a si tiah a chim chap.