Lieutenant Pakhat A Thi

Ayataw peng Htantawkung(ထန်းတောကုန်း) khua kam kahdohnak ah, Lieutenant telh in SAC ralkap 8 hrawng an thi, tiah Ayataw peng thawngzamhnak nih nihin May 18 ah a langteNaungKyiAi(နောင်ကြီးအိုင်) khua ah umhmun khuarmi SAC ralkap 50 leng nih rallam an sial i, May 17 ah Htantawkung khua an phak ah Ayataw Pah Ka Pha, PDF, Shwebo Pah Ka Pha, Dibeyin Pah Ka Pha le Watlet PDF hna i bawm in an kah hna, SAC ralkap 15 hrawng aa hliammi cu motor in an kirpi hna, tiah theih a si.

A kirmi SAC ralkap pawlcu Naungkyiai palik camp ah an kalpi hna i, Lieutenant pakhat telh in ralkap 8 an thi, tiah theih a si. Nizan May 17 kahdohnak ah kanmah lei ralkap 4 an i hliam. SAC ralkap pawl cu nihin May 18 ah Ayataw chaklei in ral i khamhnak motor pahnih le Skat motor pakhat he rallam an sial ṭhan,” tiah Bo Pauh Si nih a chim.

Khuaruahhar awk ngai pakhat cu SAC ralkap aa hliammi pawl an angki an phoih hna i NLD angki an i hruk. PDF hna nih kan i ralrin ngaingai a hau,” tiah a chimchap. May 2 thok in SAC ralkap 200 hrawng nih Ayataw-Myinmu hmunram Kanyin khua ah an kal i, Malaytha le Nguangpintha(ညောင်ပင်သာ) khua hna cu an khangh i khua hnih ning in a ciam, tiah theih a si. SAC ralkap nih Chinpin khua zong May 7 ah an rak khangh i, PDF 6 an rak tlaih hna. Tualchung mi 30 hrawng ral i khamhnak ca ah an hman hna. Credit – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum