Laitlang Kan Rak Um Cio Lio Ahcun Kum 4/5 Chungah Phaisa 5000 Hmanh A Nei Kho Lomi Nungak Tlangval Kan Tam

Laitlang kan rak um cio lio hna ahcun kum 4/5 chungah phaisa 5000 te hmanh a nei kho lomi nungak tlangval kan rak tor hna. Ramrum le ramthang cho kan van phak hnu ahcun dollar ngah peng a van si tik ah kan thinlung put cu van a tawng cang. Kan biachim le kan thiltuah mi cheukhat zong a tumtum le a tlangtlang lawngte an si ko hna. Mah lio can ahhin hnulei kan tuanbia kha van zoh tthan lengmang an hau tawn. Mah lo ahcun pial taktak in kan pialsual lai phang a um.

Khrihfa nunzia le cawnpiaknak le zulh ding pawl le a dang tete zong hi kan dollar ngahmi he zohchih le cuaithlai tti lengmang a hau fawn lai. Pathian nih a kan cawisan ning kong le bang cu zeitik hmanh ah kan philh lo a hau. Dollar tlawmpal te van neih i micung i nawlneih duh tuknak lungthin kan neihmi zong remh pah kan hau cang lai. Bawi Jesuh vailam tuk hi kan i porhlawtnak si ko seh. Crd: Van Tum

Relchap:  Hakha Community Sianginn Agape Mission School Dinti Cu Manlo Tein Kan Pek Peng Hna Lai Tiah Pu Mang Lian Uk Nih A Ti. Lunglawmhnak: Hakha Community chungtel vialte hna anungmi Pathian vel thawngin nan dam cio hna lai tiah ruahchannak kan ngei. Tulio cu khuacaan a linh tuk lio asi caah tlangrai zawtnak kan ton sual nak hnga lo ralring tein um khawh I zuam hna usih.

Lunglawmhnak kong he pehtlai in Hakha Community nih a tuah mi Agape Mission School ah Pu Mang Lian Uk (Ukpi Sanpiah) nih din ti (Drinking water) cu manlo (Free) tein an kan hlut. Hakha Community sianginn Agape Mission School caah dinti hi cu keimah nih manlo tein kan pek lengmang ko hna lai” tiah Pu Mang Lian Uk (Ukpi) nih an kan ti caah Hakha Community nih Pu Mang Lian Uk (Ukpi) le achungkhar cungah kan thinlung dihlak in lunglawmhnak kan rak chim.

Pathian nih an retheih thabaat nak theih piak hna sehlaw miphun caah pekchanhnak an tuah mi cung ah a lat tampi in thluachuah pe hram ko hna seh.Agape Mission School nih a herh tuk mi le a ngeih khawh rih lo mi thil pawl zong Pumpak, Khrihfabu le Pengtlang zong in hlut khawh pengmang kan si.

1.Tikik chiahnak (cooling water) 2.Computers 3. invertor Acung lei i kan langhter mi thil phunthum hi kan herh tuk mi asi ko nain kan ngeih khawh rih lo mi an si caah pumpak, Khrihfabu le Pengtlang zong in hlut khawh kan si.Thawng Tha Lian HC Secretary

Relchap:Bible nih ral doh a khaam maw? Tutan kan miphun dothlennak ah a biapi ngaingaimi biahalnak cu “khrihfa cu ral kan doh awk a si maw? Ral dohnak caah khrihfabu nih phaisa a thawh awk a si maw? Pastor te nih pulpit cung in ral doh forhnak bia an chim awk si maw? Khrihfa mit in hibiahalnak vialte i a phi kan hmuh khawh nak ca ahcun, “Bible nih ral doh a khaam maw?” timi kan leh hmaisa a herh.

Hi kong hi tu lio kan miphun nih kan hngalhfian a herhmi a si caah, tawi tete in voi tam nawn ka hun tial lai. Part -1: Ziah, Bible nih ral doh a khaam an ti? Nawlbia 10 chung i 6th nak ah, “Lai va nawng hlah” timi a um. Ral doh cu lainawn a si. Cucaah Bible nih ral doh cu a duh lo, an ti. Sihmanhsehlaw kan hngalh a herhmi pakhat cu, mi thah poh hi lainawn a si dih lo. Kha nawlbia petu Pathian lila nih “ral dohnak hmun ah kal i an ral vialte thah dih ding in nawl a rak pek ko hna khah”.

Cucu Biakam hlun chung veve ah fiang tein hmuh khawhmi a si. Cucaah Pathian nawlbia 10 chungah “Lai va nawng hlah” a timi cu uknak ttha lo, hruhru hranghrang in sualnak ngei lomi a nawng i sualnak ngei lomi mi sawhsawh inn vialte a khang dih tu hna, ral va dohtu diknak vengtu ralkap he pehtlaihnak a ngei lo. Note: Thaizing ah Jesuh nih teh ral doh lo ding in a cawnpiakmi a um maw? Lawmhnak he, By; Hram Bik Lian. Credit – AC

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum