Kumkhat Ngakchia Ralhrang Nih An Thah

Mandalay Division Nwathogyi Township ah kumkhat ngakchia teilin minung 5 ralhrang nih an thah hna tiah thei a si. An thahmi hna hi in Lyaw Phyu (Central) village  ah um an si tiah khua mi hna nih an chim. Ralhrang hna nih zantim ah zaam hna she tiin meithal an puak hna. Hi an puak lio ah hin minung 4 an thi i kumkhat ngakchia hi a ke ah an kap i siizung ah an kal pi ko nain a hliam a tuar kho ti lo caah siizung ah a thi.

A thi mi hna hi U Bo Khin, 76; Daw Than, kum 75;  kum 50 U Maung Tun; kum 30 Daw Maw Htay; Maung Zwe Htet Mawle kumkhat ngakchia an si. Daw Nyunt, 50 hi Mandalay General Hospital ah an rak tlopbul. An ruak hi ralhrang hna nih Nwathogyi Cemeteryah tuzing an vui tiah chungkhat pakhat nih a chim. A thimi hna hi National League for Democracy (NLD) tantu an si.. Khua mi hna nih

Dalans hna nih an report ruang ah a si tiah an zum. Relchap – Kaya ramkulh, Demawhsu in Meng 6 hlatnak khua ah nizaan September 20 chunhnu suimilam 12:00 hrawngah kaphnih kar kahdohnak a chuak, cu kahdohnak chung ahcun KPDF lei in minung pakhat a nunnak a liam, a tlau mi le hliamtuar zong an um tiah theih a si. Kahdohnak cu suimilam 12:00 in an thok i, chunhnu suimilam 2:00 ah an dih.

Ralhrang phu lei in kahnak an thok hmasa, minung thazaang le hriam thazaang a dan tuk caah, kanmah phu lei cu hnu ah kan tolh. PDF in minung pakhat a nunnak a liam, minung pali nih hliam an tuar, minung pahnih cu pehtlaih khawhlo in an tlau, kahdohnak a chuah lo nak khua tiang hriamngan in an duhnak hmun an kah” tiah a chim chungtel pakhat nih a chim.

Ralhrang phu chungtel hna cu minung thazaang 200 leng an si, kahdohnak chungah ralhrang phu lei in hliamtuar le a thi mi zat cu kan theih rih lo tiah a chimchap. Kaya ramkulh chungah ralhrang nih nawlngeihnak an lak hnu ah nunnak liammi minung 93 an si, tlaihkhih a tong mi hi minung 138 an si tiah PKPF nih September 18 ah a langhter. Crd – TCP