Kum Tlinglo Ngakchia

Ramkhel lei thongtla tawlreltu phu AAPP le NUG Ministry of Women, Youths and Children Affairs nih a khomhsuat khawh tawk cazin ning ah, SAC ralkap nih nawlngeihnak an laak thok in April thla dih tiang ah kumtling lo ngakchia 250 leng tlaih an tong, tiah theih a si. CDM cawlcanghnak a tuahtu le NLD party chungtel hna lengah ramkhel lei cawlcanghnak a tuahtu hna cu SAC ralkap nih an tlaih khawh hna lo caah, an chungkhar le an fa le hna cu ralphaw ah an tlaih hna.

“Ka fa le ka nupi nih zei sualnak hmanh an tuah lo caah kan thlahpiak hna seh ti ka duh, keimah zong nih zeihmanh ka tuah lo caah zei sualnak ka ngei lo. Atu ah cun ramchung huap in sualnak tuah lo zong ah lunghrinh in an tlaih hna, keimah ka fa lawng siloin tlaihkhih a tong mi ngakchia dihlak caah ka thin a phang, an dihlak in luatnak hmu hram hna seh law ti ka duh,” tiah.

Ayarwady ramṭhen Ngapuhtaw (ငပုတော) peng NLD palai That Pai Soe nih a chim. U That Pai Soe cu SAC nih an tlaih khawh lo caah thla 10 tluk lawng si mi ngakchia, a nupi le kum 13 tluk si mi ngakchia telh in minung 6 cu SAC ralkap nih April 23 chunhnu Ngapuhtaw (ငပုတော) peng Kanginchawng(ကညင်ချောင်) khua ah an tlaih hna.

April 5 ah Yangon ramṭhen Alung (အလုံ) peng tualleng sianginn ah ngakchia kum 3 tluk si mi Mawng Tank Bung Wai Yan cu SAC ralkap nih an tlaih, a nu Daw Tirih Wai cu ‘titoih puai tuahnak ah puahkehnak a chuahtertu le ralhrang hna he pehtlaihnak nan tuah’ tiah an puh caah kan tlaih, tiah SAC ralkap nih cathanh an chuah nain ngakchia an tlaihnak kong he pehtlai in cathanh chuah mi a um lo.

Daw Tirih Wai kong he pehtlai in SAC ralkap uk duh lo langhternak a tuahtu hna konglam theih duh ah, ngakchia kum 3 tluk lawng si mi cu an tlaih chih, tiah a chungkhar he naihniam in a um mi pakhat nih a chim. SAC ralkap hna tuahsernak vialte cu ngakchia le nuhrin covo lei phunghram dohkhalh in sualnak a si, tiah NUG Ministry of Women, Youths and Children Affairs Minister.

Naw Susana Hlah Hlah Soe nih a chim. NUG cozah nih ramchung ngakchia hna ton mi thil sining dihlak cu UN le ramkip ngakchia lei he aa pehtlai mi phu kip sin ah theihternak kan tuah peng, tiah a chim. Kumtling lo a thla lawng si rih mi ngakchia le sianginn kai ding ngakchia hna SAC ralkap nih an tlaih mi hna hi Myanmar dohthlennak tuanbia ah a rak um bal lo mi a si, tiah u-pa-di lei thiamsang pakhat nih a chim. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum