Kum 50 Mi Ralkap Nih An Thah

Ralhrang nih inn 27 meiin an khangh hna. Htalaw village, Gant Gaw township ah nihin ralhrang nih inn 27 meiin an khangh hna tiah thei a si.  Khua mi hna nih inn an khangh hlei ah kum 50 mi pakhat zong an thah tiah an chim. Khua mi hna zong an khua chuahtak in an zaam hna. A zaammi minung hi 1000 leng an si. Relchap – Kalay in Gangaw lei a kalmi zei bantuk mawtaw paoh kan kah cang hna lai.

Kahdohnak ruangah Kalaymyo le Gangaw karlak ah mawtaw in umkal hlah u tiah PDF Kalay nih kan thanh lengmang cang. Tuzing in Gangaw peng Namkha le Htay Hlaw khua karlak ah PDF le ralhrang kahdohnak fak ngai in a um. Ralhrang nih umkalnak ah mawtaw sawhsawh an hman lengmang. Cucaah Kalaymyo in Gangaw lei ah zei bantuk mawtaw hmanh kal hlah u tiah ralrin kan in pek than hna.

Mawtaw a kalmi cu zei bantuk an si zongah kan kah hna ko hna lai, ti kha hlankan in kan in theihter hna. Lung a fak ko mu! Mi ramdang nih vantawng in an thancho lioah kannih vial ralzam dirhmun kan phan ai. Thantlang khuapi cu a chung ummi hna nih a chuahtak thluamah ko. Thantlang Placement Affairs Committe nih an Page ah hitihin an tial. Thantlang khuapi cu van chuah tak tluahmah si ko cang.

Mah nih inntung dirh lo nak hmun ah tlikzam, himnak hmun kawl cio kan si. Hi ralzam tawkrelnak caah tiin Thantlang Placement Affairs Committe nih thialkamnak in siseh, umtu-thuttonak in siseh tawlrel cuahmah an si. Ralzam cazin zong tawl rel cuahmah a si a rauhhlan ah hi kan page in van langhter kan i zuam lai. Ralzam hna caah ei-din, tirawl bawmhhau in kan um ko.

Crd – TCP