KIA Nih Ralhrang A Phomh Than Hoi

KIA Nih Bomb chiahmi lamhnak in ralhrang rallokap 5 an thi,tam ngai hliam an pu. Phakanh peng Mawsian khua le Sanaung khua iar Santlang lei tinh in a ra mi ralhrang rallokap Khah-Lah-Yiah 42,Khah;Lah-Yiah 116 fonh rallokap hna cu KIA nih nihin zinglei suimilam 7:10 ah tinhcia hngak in bomb hmanh mi in an puahhnawh hna tiah theih asi. Thazaang 70 hrawng asi mi ralhrang rallokap cu vulei tang chiahmi bomb an i lamh hi asi.

KIA nih bomb an hmanh mi a lamhmi ralhrang rallokap 5 hmunri ah an thi,hliammi zong an tam tiah theih asi. Khuapawng i bomh hmanh mi i lamhnak ah mipi lei in pakhat hmanh hliammi an um lo. Relchap – Rampi Ruahnak Petu Daw Aung San Su Kyi I Personal Assistant U Zaw Naing Wine Cu Pohmah 409 In Ralhrang Nih Thong Kum 7 Thlak Rampi ruahnak petu Daw Aung San Su Kyi sinah.

Personal Assistant in rian a tuanmi ramkhel lei vuanci zung i Zipeng Bohmu U Zaw Naing Wine cu a luancia mi June thla ah Neypyidaw, Zamuntiri peng zung nih Pohmah 409 in thong 7 tla dingin bia an chahpiak tiah theih asi. Anih hi rallokap nih nawlngaihnak an lak hnu ah ramdang lei vuanci zung in chuahnak ca a chiah,cu dih cun February thla chungah Free Daw Aung San Su Kyi timi catar i put in lamzawhnak ah a tel.

Cu khawh cun CDM cozah riantuan a bawmh hna,Bank ah tangka chuah kho dingin a bawm hna ti’n thong an thlaknak hi asi tiah” U Zaw Naing Wine he naihniam mi sinin theih asi.  Anih hi rallokap nih nawlngaihnak an lak hnuah U Zaw Naing Wine cu ralkap chungah Bokyi tiang a phan i a pension mi asi, Russia ram in a rak kirmi pakhat asi. Biaknak holh,fimthiamnak dangdang in ramdang lei vuanci tiang tuanvo a lami asi.

Personal Assistant rian in kum 5 tiang rian a tuan mi pakhat zong asi. Neypyidaw ah NLD cozah riantuan caan President U Wine Myint, Rampi ruahnak petu Daw Aung San Su Kyi,cozah riantuan hna i Personal Assistant tampi hna cu ralhrang tangah riantuan a herhnak a um lo caah rian in an chuak,an i dup,cun rian a pehzulh mi hna cu hlathlai an si tiah theih asi.

Credit – TCP