Khuathar I Carson Biakinn SAC Ralhrang Nih An Kulh

Nihin chun sml. 1:30 hrawng ah SAC ralhrang nih Khuathar ah a ummi Carson Baptist Church an kulh i atu ca kan ttial tiang ah an kir rih lo, tiah khuami pakhat nih a chim. Lam pawng dawr hmai ah ralkap motor pakhat a dir. Carson biakinn an kulh. An kir rih lo, an um peng ko. Biakinn cung zong ah an kai,” tiah a chim. Mi an tlaihmi hna zong an um tiah khuami nih an chim nain fehternak kan tuah kho rih lo. The Chin Journal. Note. Pic hi kan lakchommi a si.

A dang relchap. Mipi Paoh Dalan Țuan Cang U  Ralhrang uknak a hram in kan bongh i kan donghter khawh nakding ah mipi kan dihlak in PDF kan si. Khahlan chung vialte ralhrang ralkap caah dalan nan țuan i, an țuan cio bantukin tu ni 07.09.21 thawk in cun mipi paohpaoh CDF/PDF caah dalan țuan cio dih cang u. Ralhrang an umkalnak le an țhutdirnak vialte kha. CDF/PDF sinah pakhat hmanh hrelh lo le taang hin loin thawngthanh.

Peng khawh i zuam cio caan le mipi paoh dalan țuan caan a si cang. Ralhrang caah dalan a țuanmi minung pakhat ruang hmanh ah mipi le CDF/PDF minung tampi nih harnak nan tong i mi tampi nan thi. Mipi vialte, kan dihlak in CDF/PDF caah dalan kan țuan cio a si ahcun atu kan do cuahmahmi ralhrang pawl hi fawi tein kan tei colh hna lai. Ram pumpi ah rel cawk loin kan thah khawh hna lai i, kan thlak khawh colh fawn hna lai.

Hranhram in mipi nawl ngeihnak a chut i sualnak ngei lo mipi a that cuahmahmi ralhrang uknak donghter nan duh i tei hrimhrim usih ti nan duh ahcun nan dihlak in mipi paoh CDF/PDF caah dalan țuan cio cang u. Cun Joshua nih mi zapi hna cu, “Bawipa nih thaizing ah nan lakah khuaruahhar a tuah lai caah i thianh tuah u,” tiah a ti hna. (Joshua 3:5) Bawipa nih teinak in pe ko hna seh. Salai K. Biak Lian Thawng