Khuabawi pakhat, A Nupi Le Ralkap Pakhat Kah Thah An Tong

Sagaing ramthen, Butalinpeng Khawaycinkhua i an khuabawi Khin Maung Myint, a nupi le humhimnak latu Htey Naing cu kan kah thah hna, tiah Guerrilla PDF le Butalin Guerrilla PDF nih cathanh an chuah.July 29 chun sml 12:08 ah Butalin peng, Kawaycin khua khuabawi Khin Maung Myint le a nupi cu kan va thah hna lioah ralkap pa Htey Naing zong kan kah thah ve, an pathum ning tein kan fimhlawm hna, tiah Bo Thein Hnget nih a chim.

Khuabawi Khin Maung Myint nih thilri chantu PDF an tlaih hna lioah amah pumpak in a tlaih ve hna. Cu pinah a fapa zong Pyusawhti training a kai ve tiah theih a si.Mon ramkulh, Bilin peng Chaungpiah khuami, Farmland Union Chairman, Pan Sein cu BGF le SAC ralkap thawng a pek hna caah nizan July 29 zan sml 8:40 ah KRF nih kan kah thah, tiah KRF nih cathanh an chuah.

Pago ramthen, a hnulei Min Hla peng Sitkywinkhua, Pepintan khua khuabawi Sein Win Maung cu July 29 zing lei ah Zeyar Thaw raltuknak tiah min pek in PDF nih an kah thah, tiah theih a si.Sein Win Maung cu zalong tein duhnak a langhtertu mizapi hna le CDM pawl cu ralkap le palik aa ruaih hna i, a tlaihter hna. Cu pinah, SAC ralkap nih tangka an hmuhnak dingah meiman a khawlh piak hna caah kan thahmi a si, tiah PDF nih an langhter.

 

Relchap,Timit Lei Kalmi SAC Ralkap Pawl Chin Ralkap Nih An Rak Kah Hna!Chin ramkulh, khualipi Hakha ah nihin July 30 ah kahdohnak a chuak, Meithal thawng le bomb thawng pehtlai in a thang.Khuami pakhat nih,” Timit lei ah kahdohnak a chuak. Zing sml 11:30 hrawng in bomb thawng le meithal thawng cu 12:37 tiang ahhin a dai rih lo. Hakha khua chung hmanh in a thang tuk,” tiah The Chin Post ah a chim.

 

“Timit hlei donh ding ah atu hi SAC ralkap pawl cu timit lei ah a phanmi an um cang. Cucaah Timit ah lei ngei le lo ngei hna lawng si loin khualtlawng mi zong ralring tein um a hau,” tiah a chimchap.Mipi kan him biknak cu, cuka khaka hmunah kal rih hlah ulaw tinak hmunah kal lo kha a si caah tuhi Thantlang le Halkha kar ah hohmanh umkal le chawhvak loding in thanh a si caah nawl ngaih kha na himnak umchun si kha philh hlah.

 

A ruang cu nizan ka rak thanh cang btk khan,ralhrang nihTimit hleidonh an timh caah Timit le Halkha kar ramlak burbuk kipah ralhrang an i thup/dup dih caah iralrin cio hau.Abik in mino tlangval nu ngak kan iralringtaktak aherh mi asi ralkap nih cun tu lio ah cun zeithil tuah poah an ngamh tik ah kan iral ring lo cun kan nun nak hi an nih caah cun sathil ar va man tuk ah an kan ruah caah kan nih thah le nawn hi cu mitkuh thawt nak men ah an hman mah ah hin aluat kho mi si kan herh tei nak kan hmuh zawng aherh cu ah cun kan ram hi ral kap kut in aluat aherh kan mah zawng adam mi si kan herh .