Khua Inn 300 Hrawng Cu SAC Ralkap Nih An Khangh

Sagaing ramṭhen, KhinOo peng Inpat(အင်းပတ်)khua cu SAC ralkap nih an khangh caah mipi umnak inn 300 leng an kaang, tiah tualchung mi pakhat nih a chim. Nihin May 2, chunhnu suimilam 12:30 hrawng ah SAC ralkap 100 hrawng nih Inpat(အင်းပတ်) khua cu hriamngan le hriamhme hmang in an kah i mei in an khangh fawn, tiah khua mi nih an chim.

SAC ralkap nih khuachung mipi umnak inn an khangh lio ah tualchung hriamtlai phu hna nih an kah ve hna nain an hriamthil thazaang aa thlau tuk caah tualchung hriamtlai phu hna cu hnu an tolh ṭhan. Khuachung inn 300 leng a kaang mi chung ah kum 40 tluk nu pakhat cu mei nih a kangh chih i, a nunnak a liam, tiah KhinOo Support Organization-KSO nih an chim.

Inpat (အင်းပတ်) khua mei a khangtu SAC ralkap hna cu zaanlei suimilam 3:00 hrawng ah Ngawngpingyisuh (ညောင်ပင်ကြီးစု) khua lei ah an kal i, bomb hmanh mi nih a hliamh hna caah an motor a rawk i a thi mi an um lai tiah zumh a si, ti in KhinOo Support Organization-KSO nih an chim. Inpat (အင်းပတ်) khua cu inn 500 leng umnak khua a si i, nihin nikhat chung ah KhinOo peng Tayatgan (သရက်ကန်), Intailay (အင်တိုင်းလေး), Inpat (အင်းပတ်), Muta(မူးသာ) khuali in mipi 4,000 leng cu an zaam hna, tiah KhinOo peng media nih an thanh. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum