KhinOo Ah SAC Ralkap Cu Drone In Bomb Thlakhnawh An Tong, 2 An Thi

Sagaing remțhen, KhinOo peng PinTaung khua ah um hmun a khuarmi SAC ralkap le PyoSawHti hna cu humhimnak an lak lio ah, July 22 ah Future Hero phu nih Drone in kan kah hna i SAC Ralkap pahnih an thi tiah Future hero tuanvo ngeitu pakhat nih a chim.
” July 20 zongah KhinOo peng PinTaung khua ah SAC ralkap hna umhmun an khuarnak Pyo khua PyoSawHti hna cu bomb lung 3 kan thlak hna i 2 an thi. Thingkung tang ah an țhu i ral an ven lio ah a si ” tiah Future Hero phu in tuanvo ngeitu pakhat nih a chim.

Magway ramțhen, Pakokku peng hrambunh PDF a si mi Pakokku Urban Guerilla Force(P.U.G.F), Pakokku North Defense Force (PKU N PDF) he hmunkhat ah ralkap bu dirh a si tiah Earthquake Peoples Defense Force nih nihin July 23 ah thawng an thanh.Tu thla(July) 21 ah tonbiaruah le ceihmai ținak ah Pakokku peng chung ralkap bu dirh ding in hnatlaknak an ngeih hi a si.

” Cu hlan ah cun phu khat tete in SAC ralkap doh a si tawn. Asinain, thla khat ah voi 2 rallam a sial tu SAC ralkap hna tha tein doh khawh an si nak ding caah phufonh mi ralkap bu dirh ding in kan hna a tlak nak hi a si. Mission plan țha tein kan tuah, ” tiah Earthquake Peoples Defense Force i tuanvo ngeitu nih a chim.Myanmar rammi vialte i kan hmutinh cu dictatorship a tlau nak ding hi a si tiah theihternak an tuah. Federal Democracy ngah khawhnak ding ah ramkhel lei in tuan a si ko nain nihin tiang a tlamtlin khawh lo caah kawlram chung ummi miphun kip nih dohthlennak tuah a si tiah an langhter fawn

 

Cu caah a tu i dirh mi ralkap bu nih zapi hnatlaknak a ngeih mi cu khuapau dohthlennak thuk deuh le țha deuh in a kal khawhnak ding,PDF lei in rallam sial i biatak deuh in doh khawh nak ding, Cu hlan nak in a fiang mi le a tling deuh mi operation tuah khawhnak ding le hmunhma tam deuh control khawh nak ding caah kan dirh mi phu a si tiah an cathanh ah an langhter

Relchap,Sagaing ramțhen, Kani khuapi in meng 2 hrawng a hlatnak PanSai khua kam ah SAC ralkap le mizapi vengtu ralkap hna cu July 22 chunhnu Sml 2:00 hrawngah an i kap.Cu kahdohnak ah SAC ralkap hna nih bomb an i pal i SAC ralkap 5 leng an thi. Mizapi vengtu ralkap lei in ralkap pakhat hliam a tuar .

” Kani khuapi um SAC ralkap Thazaang 70 hrawng cu PanSai khua in NgaPhiat khua lei an kal lio ah bomb lung 2 nih a puahhnawh hna i SAC ralkap 5 an thi. Tlawmpal an kal ah lung khat nih a puahhnawh țhan hna. Bomb lung 3 nih a puahhnawh hna hnu in hriamngan le, Seh meithal (Machine gun)nhna cu an kah thluahmah caah hriamngan kuan nih mizapi ralkap pakhat a hliamh. SAC ralkap a thimi hna an ruak cu Kani khuapi ah an phurt hna” tiah Kani peng Na -Yar -Kah an Pungki nih a chim.

Cu kahdohnak ah cun KyaukLungGyi mizapi vengtu ralkap nih hruai in MPDF Battalion 1, Nakaa NgiNuang DBTF, Amih May dothlengtu phu, Alpha Special Force le Kani- Yinmarpin ralkap phu hna an i bawm.SAC ralkap nih nihin July 23 zinglei Sml 9:30 hrawngah NgaPhiat khua an duah tiah khuami hna sin in theih a si.

Tuzing nazi 7:00am hrawng ah Kalay myo rawldawr hmaiah Operation MoMo group cun uico mawtaw pakhat cu Bomb in an puah ih uico 5 an thi midang tampi hliam an tuar asi.Ning hngal ngalh ngai in dawr ah an i chawk an thu dir an mawtaw cu bom in puah hnawh asi ccah ralkap pawl c pa 5 an thi,

Yinmarpin Peng Ah Ralzaam Umnak Riahbuk Cu SAC Ralkap Nih An Khangh!Sagaing ramthen Yinmarpin peng Bant Bwaykhua i ralzaam umnak riahbuk (thlam) pawl cu SAC ralkap nih July 20 le 21 ah an khanghpiak hna i buk 25 a kaang, tiah tualchung mi nih an chim. Bant Bway ahhin ralzaam riahbuk 50 leng a um i cu chung ah buk 25 cu khangh an si, tiah Bant Bway khuami pakhat nih a chim

.
Khuachung um ahcun i thuhnawh peng a si i cucaah ramlak ah kan i thial. Duhsah tein ramlak ah inn tete a hun tam chin lengmang. Cucu SAC ralkap nih an duh lo i rallam an sial pah ah an khangh. Atu ah cun khoika hmun um zong ah zaam peng a hau cang. Nihin zong SAC ralkap hna cu rallam an sial than i tualchung mi vialte kan zaam dih, tiah tualchung mi nih an chim,