Kawlram Lei Minung Hna Caah Thanchonak Lam A Um Lo

Thlanglei Ram hna nih Facebook akan tuah piak, Mob-ph zong akan tuah piak, A Sinain an mah hna sin ah nihin ni tiang Ca-Uk an zuar lio, Literature atha deuhdeuh, Bookroom atam chinchin, Catialtu atam chinchin, cu hmanh ah thil tampi an ser/ an tuah thiamnak asang chinchin, an thangcho cuahmah fawn, kathei cang, kathiam cang, katuah khawh cang, ka rum cang, ka ngei cang, ka fiam cang an ti bal lo Tangdawr le tawi dawr nun he asi.

Kawlram, Chinram ah cun, Bookroom ah carel mi hna cu Pension cangmi le Foreigner hna long an si, Bookroom tibantuk hna cu khuachia tih bantuk in kan tih ko, Ca-Uk hlan nak hme tete hna zong Ar le Vate tlau cang bantuk asi, Riantuan zong ah, Sawlet lei ah kan kal, Atu ah hin atam bik Dawr hna cu, Second-hand dawr, Repair/remhnak dawr sihawi, Ca-Uk.

Catial, Cachuah hna zong amiak a um lo tiah phitdih a si hawi. Catialtu hna zong amin longte theih asi ko. Rumnak ding ah Lam athla rih, Mino hna vun zoh hmanh, Ni fatin tein Mob-ph- tong nak ah thil dang caah can kan ngei lo, click..off..Open..mah cu an rian bik asi ko, Carel lo in mobile, riantuan lo in mobile, cacawnnak ah mobile, um kalnak ah mobile, lennak ah mobile.

Bus le motor chung ah mobile, ih khun cung ah mobile, Ek in zong ah mobile. Thaizing Niceu ah mobile, mi nih atuah cia mi mobile hmanh ah kan buai ko cang, mah ruang ah cun, carel lo, fim lo, rum lo, ngei lo, theih fawn lo, thiam fawn lo, theih kau nak atlau dih ko cang, ram dawtnak le miphun dawtnak ngeih kho ti lo in mobile nih kan thluak alak dih cu cu kan dirhmun asi.

Athat lonak bik cu, Hawi, Chunglei, Tuanpi mi, Kadang ah um mi, Nungak/tlangval zuk zoh, video zoh, acan ah ni pah. Acan ah sik pah, Acan ah zai pah, Acan ah hlasa pah, Acan ah mah calbenh, mah hna vialte nih cun, zei hmanh minung caah thatnak le ruahnak a pek bal lo, mihrut bantuk in it/tho/ei/din hna cu akarlak te ah hman asi, Online carel tu hna nih.

Santlai huha lo mi, an zoh video le film hna cu an mit thlam ah alang peng, rian tuannak ding Interview an tuah, bia hal mi phitding zeihmanh an thei tilo. Ca an rel lo ruang ah zei poh ah asung tinak asi. Kawl Calendar AD zong thei hlah, President hmasa zong thei hlah, ram chung population zong thei hlah, zei hmanh hi fiang in thei mi angei lo, Knowllege lei ah thei mi angei fawn lo.

apoituk mi thil asi, mah caah cun atu tiang kan ram dirhmun atu bantuk hi asi rih ko e, America ram chung idoh/kahnak zong thei lo. Gult raldoh lio can zong thei lo, Arap le Israel idohnak zong thei lo, Midle East konglam zong thei lo, Jeruslem kong zong thei lo a poi ko.