kan unau hna mizo thil tuah mi hi i fian ahar Biatak deuh in kan ruah ahau ko

Mizoram thlanglei, Siha pengkomh ah Myanmar rammi 5 telh in minung 7 sin in raltuknak thilri le raltuknak he aa pehtlaimi thilri tampi cu September 21 ah Assam Rifle phu nih an tlaih tiah theih a si.

 

 

An tlaihmi thilri pawl cu Air gun, Air gun kuan pawl, kahdohnak thuam, Radio thuam, Strategy thuam pawl, Strategy kuthrolh, phanet le a dang dang thilri Rupees sing 16 man a si tiah Indo-Asian News Service nih a langhter.

 

 

Myanmar rammi 5 le India rammi 2 zong cu thilri pawl he an tlaih hna tiah theih a si,Assam Rifle phu le Mizoram palek phufonh nih Saiha pengkomh chungah hmunhma zohfelnak an ngei lioah Niawtlang pawngah mawtaw 2 an check i cu thilri pawl an tlaih hi a si tiah thawngzamh ah an langhter.

 

An tlaihmi thilri pawl cu phungning tein a zizut ding in Saiha Palek sakhaan ah an kuat tiah theih a si.

 

 

Thawngpangdang,North Korea nih cun Russia sin ah zei bantuk hriamnam hmanh kan zuar lo tiah official in tuchun ah elnak an tuah.

Tu thla thok hrawng ah khan US official nih cun Russia nih Ukraine ram ah hman ding mi Rockets le miakpi tam taktak North Korea sin in a cawk cuahmah tiah vawlei pi theih in a rak langhter.

Asinain North Korea nih cun ralthuam zei bantuk hmanh Russia kan zuar hna lo tiah an langhter ve,“Hriamnam le zenkuan hrimhrim Russia kan zuar lo, cun hi bantuk timhtuahnak zong kan ngei lo” tiah North Korea defense ministry in General Bureau of Equipment nih a chim.

“US nihhin daithlang tuk in thil hi langhter ma cang sehlaw a ka i cip seh” tiah a chim chap,US nih hin North Korea hriamnam zuarnak kongah zei hmanh tette a ngei taktak lo. Russia nih hin a ralkap pawl a duhning in hriamnam an chan kho hna lo, a ruang cu vawlei cung ram hna nih phihkharnak an tuah mi ruang ah a si.