Kan ton bel lo mi pathian bia atling cuahmah cang caah mah ah hin duh thim zia athiam mi kan si aherh

Chin ramkulh, Falam khua ah SAC ralkap kuttang riantuantu Sipin Committee nih mipi sinah eidin thilri man fawi tein an zuar, tiah theih a si.

 

 

Falam khuami pakhat nih, “Nihin September 12 ah Falam khua Town Hall ah SAC kuttang riantuantu a simi hna nih, eidin ding thilri an zuar. An zuar ning hi phun dang te a si, a lenglei zuarmi nakin man fawi deuh tein an zuar. Nihin lawng an zuar lai,” tiah The Chin Post ah a chim.No description available.

 

 

“SAC kuttang riantuantu hna nih Town Hall ah eidin thilri an zuar, cuti a zuarmi hna an pawngkam in palik nih humhimnak an lakpiak hna. Atu bantuk in eidin an zuarmi hi mizapi an kan lem a si. Anmah lei tan ding le anmah he riantuanti dingah thil an tuahmi a si.

 

Mizapi cungah tlaihkhih, tukvelh le thahnawnnak an tuahmi vialte hi eidin man fawi tein an zuarmi nih kan lung hnemh aa zuammi a si. Hi bantuk in hmailei zong ah thil man fawi tein an zuar te lai caah mizapi nih tha tein kan i fian a herh,” tiah Falam khua ummi pakhat nih The Chin Post ah a chim.

 

A luancia September 10 zongah Hakha khuapi chung zung pakhat hmai ah SAC kuttang riantuantu hna nih eidin ding thilri an rak zuar ve cang.

Russia ralkap nih an rak lak cangmi Ukraine ram chaklei Khakiv hmunhma, Kilometers 3000 hmun cu, Ukraine ralkap nih kan lak khawh than tiah Ukraine ralkap nih an thanh.

 

February ni 24, ah Russia nih Ukraine hmun tamlak cu arak lak, Ukraine nih cun i khamnak deuh in caan kan rak hmang, asinain a tuah cun kanmah nih kan nam cang hna i hmun tampi kan lak khawh cang. Ukraine ram thantar zong kan thlai khawh cang tiah, President Zelenskyy nih cun a chim.

 

Russia ram Ministry of Defense nih cun, Ukraine ralkap nih biatak tein a kan nam caah kan ralkap hnu kan kirter hna, kan ralkap hna cu Ukraine hmunhma a biapit deuhnak ah kahdohnak bawm dingin kan thlah than hna lai tiah, an chim ve.

No description available.

US le Europe ram hna nih Ukraine hriamnam an bawmhmi cu Ukraine ralkap nih Russia ralkap tuknak dingah a kan bawmhchanh tuk, Ukraine ralkap nih cun Khakiv pengkulh khuapi tam ngai an lak cang i pengkulh khualipi Khakiv lei kal in hmai an fong tiah, President Zelenskyy nih cun a chim chap.

 

UK Ministry of Defense nih cun Ukraine ralkap nih khuapi tampi an lak khawh cang, Khakiv zongah Russia ralkap hna cu an cawlcang kho ti lo, Ukraine ralkap nih an van nammi hna hi Russia ralkap nih an i kham khawh lo caah a hawikom rampawl nih cun Ukraine cungah zumhnak kan ngei tiah, an chim.