kan mipi ralkap nih ralhrang pa ruk an tleih pin hna ah hriamnam tam lak an tleih hna.

Karen ram ah mipi ralkap nih hriamnam phor ralhrang paruk an tlaih hna. An tlaihmi hna hriamnam hi a tam ngaingai.Credit Salai William HC.

 

Kan hnu lei ah Hakha ralhrang pawl hna chungin minung 11 an um nak thei lo in an tlau tiah thawngpang rak theih a si.cu kongah CNA le CDF lei zong in zei hmanh fianternak an rak tuah mi a um lo.asinain CDF chungtel pakhat sin in thawngpang fiang theih than a si.

 

 

 

Hakha ralhrangbawi pakhat le a nau le minung 10 hna cu Hakha le Thantlang karlak Timit hlei sersiam dingin nawlpek an si.nawl an pek hna bantuk in Timit lei cu an rak fuh nak in an dih lak in CDF nih an hriamnam cheukhat he tlaih an si tiah a chim.

 

Kan theih bantuk in ralhrang cunglei nih nawl an pek hna ningah cun Hakha le Thantlang karlak Timit hlei a rawk mi cu September thla chung hrimhrim ah sersiam dih dingin nawl pek cu an si na in tuchun tiang ralhrang nih an pehzul ngam ti lo.hi ralhrang hna cu CDF camp hmunkhat ah chiah an si i hmailei ah zeibantuk in dah thut dir ter an si te lai ti cu theih a si lo tiah a chim.Credit;Salai Thawng mang

Magway ramtthen Myaing khuapi peng ah a um mi PDF pasalttha hna camp pakhat cu Dalan ruangah SAC ralhrang nih an luh hnawh hna i hriamnam zong an chuh khawh hna tiah theih a si.

Nizaan Zing 9 ni ah Myaing khuapi peng ah a um mi PDF camp pakhat cu SAC ralhrang nih thazaang tampi he an luh hnawh caah PDF nih cun an camp veng kho ti loin an chuah tak dih caah hriamnam siseh, thilri zei maw zat zong ralhrang nih cun an lak i mei in an khangh hna tiah tual chung mi nih an chim.

“Minung kan i thlen lio karlak te ah an rak lut. Thil ser chuahnak thilri pawl cu kan lak dih manh, meithal bal te kan la manh lo. Cun kan phone pawl zong anlak dih. Minung cu kan him dih. Cun khua chung Muheh pakhat an thah, Sui siseh thilri an lak chih” tiah King Fighter ralkap pakhat nih a chim.

SAC ralhrang hi minung 70 hrawng an si i, hriamngan 40mm, 60mm, G3, MA 30 meithal pawl in an kah hna thluah mah colh hna caah PDF pawl an cawlcang manh lo tiah theih a si.

Mandalay ramthen, Madaya peng Ayeyawaddy tiva kam ummi Yaelelkyun khua ah SAC ralkap le tualchung hriamtlai phu kar kahdohnak a chuak, tiah theih a si. Nihin september ni 9 zinglei ah Madaya peng, Yaelelkyun khua lei ah SAC ralkap nih rallam an sial caah tualchumg hriamtlai phu nih an kah hna i kaphnih kar kahdohnak a chauk, tiah Bo Kaung Kin (ဗိုလ်ကောင်ူကင်) PDF nih cathanh an chuah.

 

Cu kahdohnak ah cun SAC hriamngan kahnak in tualchumgmi ngakchia pakhat a lu ah hliam a pu i nu pakhat zong a ke ah hliam a tuar, tiah theih a si. SAC hriamngan ruangah hliamtuarmi ngakchia cu a nunhimnak ca ah thinphang ngai a si, tiah an cathanh ah cun an langhter.

 

Cu kahdohnak ah cun SAC ralkap lei in ralbawi pakhat telh in ralkap 13 an thi, tiah PDF nih an thanh. Kahdohnak kong he pehtlai in Bo Kaung Kin PDF in tuanvo ngeitu pakhat nih cun, “Zing suimilam 5 hrawng ah tilawng in an ra i kanmah nih kan kah hmasa hna. Kan hriamnam thazaang aa thlau tuk ruangah kanmah lei tu hnu kan tolh than nain kan mithmuh ah ralbawi pakhat le ralkap 13 ruak cu mizawphur mawtaw in an kalpi hna,” tiah a chim.

 

Yaelelkyun khua ah hin a luancia July 27 in August ni 1 tiang ninga chung pehtlai in kahdohnak a rak chuak i phungki pakhat a rak thih pinah tualchung mi pakhat hliamfak ngai a rak tuar i, SAC ralkap 8 nak tlawm lo an rak thi bal.