Kan Khua Pastor pa Nupi Kan Sual TtiKanmah Nupa Le Anmah Nupa Lawng nih Kan Theih Tiah Mithli He Ai Phuang Dih

Atu ka tialmi hi kanmah nupa le pastor te nupa lawng nih kan theihmi a si i , ka thinlung chungah a cam peng caah le i phuanlo ah cun lomhnak taktak ka ngeih khawh tilo caah tubantuk in Pathian le minung hmai ah ka van i phuan nak a si. Ka hngakchiat tein ka komh mi ka hawikom thabik a simi nungak pakhat cu kanmah khua ah pastor a rak tuan mi tlangval pakhat caah nupi dingin an hal ti ka theihzaan cu mitthli he zankhua ka dei.

Atu ka tialmi hi kanmah nupa le pastor te nupa lawng nih kan theihmi a si i , ka thinlung chungah a cam peng caah le i phuanlo ah cun lomhnak taktak ka ngeih khawh tilo caah tubantuk in Pathian le minung hmai ah ka van i phuan nak a si. Ka hngakchiat tein ka komh mi ka hawikom thabik a simi nungak pakhat cu kanmah khua ah pastor a rak tuan mi tlangval pakhat caah nupi dingin an hal ti ka theihzaan cu mitthli he zankhua ka dei.

Asinain kei hi mi ralchia ka si tikah ka duhnak kong cu ka chim ngam bak lo.Cun ka ruah rihmi cu hngakchiat tein ai kom mi le lungthiang tein a um tti zungzalmi kan si tikah anih caah cun tta bantuk in aka ruah lai i tlangval bantuk cun a ka duh kho ve bal lai lo timi ruahnak nih a ka donh fawn.A itnak roomchung zongah hin kanmah pahnih telawng ca kan zoh tti i kan i kom hawi lengmang tawn i a chung le zong nih an kan theihthiam dih ve i ai duh kho ding hmanh ah an kan ruat ciolo.

Asinain keinih cun ka thinlung tein ka rak duh peng ko i nupi ding tiang hmanh in saduhthahnak ka rak ngei cang. Asinain a mah sin ah cun kan duh tiah chim ngam hlei lo cun caan lawng cu nikhat hnu nikhat in ka liamter peng rih thiam ko. Zaankhat cu ka hawinu nih cun ruahlopin phone a van ka call i “kan khua pastor pa caah an rak ka hal” tiah a ttah bu in a van ka chawnh. Ka lau tuk i zeibia hmanh chim awk ka hngal lo. Zei ti hnemh awk zong cu ka thei lo.Khatlei ah ai kom tukmi hmanh si usihlaw nungak tlangval bantuk in ai duhmi ngaingai le kan si fawnlo tikah ka caah biachim awk a har ngai.

Thaizing ah kan i hmu te lai tilawng cu ka hei leh khawh i phone cu kan chiah.Cuzaan cu a hngilh bak kai hngilh kho tilo. A thaizing cu ka thawh bak in ka hawinu te inn lei ah cun ka va tli colh i a room chung ahcun kanmah pahnih lawng theu cu kan thu tti. Bia kan i ruah cuahmah lio ah cun a nu cu a rak lut ve i “na farnu hi pasal dawh a ngeih cang lai hi awh, nang nih cun zeipoah na rak theih dih cang ko lai nan i chim ruah dih manh hoi cang ko lai dah”tiah kan bia cu a van kan tan.

Nulepa nih cun fale caah cun pasaltha te ngei hna seh ti cu duh cio asi bantuk in Pathian riantuantu pasal ah van ngeih ding cu a nulepa ruahnak ah cun el awk umlo tluk a si pin ah amah ka hawinu ca zong ah Pathian a theimi mifel fai te pasal i van ngeih ding cu ka hmailei caah a tha ko lai timi a ruah ca zong silai pastor pa vat ding cun a thalei in an leh hna i puai cu an tuah colh i ka thinlung tein ka rak duh pengmi ka hngakchiat tein ka hawikom tha a simi nih cun valdang ttangpom in lamdang a ka zawh tak cang.

Kum le caan a hung liam i keimah zong master ka dih hnu ah nupi ka ngei ve i fa zong 2 ka ngei ve cang. Office tha ngai ah rian ka tuan i ka chungkhar zong tha tein ka zohkhenh hna i nuam tein keimah lam te cu ka zawh ve i ka nupi le ka fale cu nuam tein khua ka sakpi ve cang hna. Nikhat cu kan office rian he pehtlai in khuadang ah thial ding ka si i ka fale sianginn kainak ruah ah ka nupi le fale he i thial cu a reding a silo caah keimah lawng cu khua ah cun a va um ding ka si. Cu khua ka vai i thial nak ding khua cu ka hawikom tha a simi Pastor pa a va mi hna rian an tuan nak khua a si.

Ka thinlung tein cun ka hawinu cu ka ngai tuk ve tawn ko nain cu khua ah cun ka va um lai i hi ka hawinu he hin kan va sual tti te lai timi cu pel te hmanh ka ruahnak chung ah cun a um lemlo. Cu khua ah cun ka vai i thial i ka hawinu le an pa pastor pa he zong cu kan i komhawi hna i ngamhtlak taktak in kan um hna i lung zong aleng,nuam ngai cun cu khua ah cun keimah te lawng cu khua ka sa. Hawikom thing te umnak kan ti cu pastor te quarter ah cun tu le tu ka lut chuak i an pa zong nih cun a nupi tta bantuk deng khin a hei ka hmuh ve cang ko.

Nikhat cu pastor pa nih cun “thaizing ah Aizawl lei ah ka fale he va tlawng ta ding kan si” tiah a ka chimh. Asi tak nan va rau lai maw tiah ka hei leh ve i zarkhat hrawng rau ding in a chim. A thaizing ah cun an inn ah cun ka va kal than i pastor pa le a fale cu an rak i thawh cang. Hi ni hi ka caah kai chir cem mi ni cu a si. Innchung ah cun ka lut i ka rak duhtuk mi ka hawikom tha pasal ngei cia le fa he um cangmi ka hngakchiat te in ka tlahchan mi ka hawinu he cun kanmah pahnih lawng cu kan thu tti.

Bia kan i ruah i lungthiang tein kan hngakchiat lio kong hna cu kan hei i ruah i kan chim . Ruahlopin kai thawh i pasal na ngeih zaam kha cu mitthli he bak zankhua ka dei ve ko . Nangmah hi ziahdek a hal zong ka rak in hal ve ko lo nupi ding ah khan , tiah lungthiang te khin ka van chim i ka hawinu cu a ni baklo.Caan saungai chung nilo in a um cun , kai thiam lo ngai i kai chim sual rua ka ti i biadang ah kai kalter i capo dang ka chim zong ah nihchuak ah a cang kho tilo. Lawi ah a tha lai ka ti i khah thaizing lei ah kan leng than te hna lai ka ti i ka tho .

Ka thutnak in ka thawh i ka chuah i an kutka ka phak bak ah ka baan in a ka tlaih i “kan ngai kho tuk tawn ee” tiah ka mit bak zoh bu cun a van ka chawnh. cubak cun zeitin dah ka thinlung ah sehtan nih bia a chim manh timi ka thei manh tilo a hmur ah cun ka hnamh colh i kutka ka hrenh i an nupa itnak khaan chung ah cun ka sualpi colh ko.Amah zong nih hin el nak pakhat te hmanh a ka ngei lo. Kan duhmi kan tuah dih cun a hmai ai huh i a ttap thluahmah. Keimah zong cu zeithil hme ka tuah ka ti i ka thinlung chung ah i chirnak in ka khat colh.

Arannak in ka lawi i,kai nuam kho ti hrim lo.Nidang ah cun ka fale hi nikhat ah voihnih tal hi cu ka chawnh tawn mi hna zong chawnh huamnak pakhat te hmanh ka ngei kho tilo.Ka chung ah hin nuamhnak pakhat te hmanh a um kho tilo i phuhrun nak lawng te a khat cang. Khatluk an pa nih a ka zumh vemi , tlangval no le mino tete zong a cawnpiak ve lengmangmi pastor nupi bak sualpi ko cu tiah keimah le keimah sual kai phaw i ka nunnak ah i chirnak lawngte a khat cang.

Nikhat cu ka hawinu te inn ah cun ka va kal than i nan pa sin ah kai phuang duh tiah ka va chim.Amah zong nih cun a tha ko a ka ti ve i an pa cu tha tein biaruah kan duh ee tiah ka chimh i an itnak room chung ah an nupa he keimah he kan lut i kan sining vialte cu thup lo tein ka chim dih. An puai zan i zankhhuadei hngilh loin mitthli he zan ka var nak tiang in ka chimh . An nu nih cun anpa kut te cu ai tlaih ve i a ttap thluahmah.Anpa cu a mit ai chim i kaakhat hmanh a holh lo. a thinlung theihkhawh a si hrim lo. Canzeimawzat a rauh hnu ah an pa nih cun hi tihin a chim.

“Keimah hi B.Th ka rak kai lio ah mi nupi ka rak sualpi ve cang. Ka tuhmi te Pathian nih a ka zunter mi a si ko. david siangpa hrang pa kha mi nupi he an sual i fa an ngeihmi kha Pathian nih a lakpiak hna nain kei cu ka cungah dantatnak zong a ka pe lo, David siangpahrang nak in kei hi ka that deuh nak pakhat te hmanh a um hlei lo ee tiah a ttap thluahmah i kan ngeihthiam hna Pathian zong nih an ngeihthiam hna ” a van kan ti. Cubak cun an ttuang ah cun ka bok i ka ttap thluahmah. Pastor pa nih cun ka lucung te ah a kut a chuan i thla a ka cam piak i kei zong cu ni thok cun Pathian dawtnak ka thei i kapiangthar colh ve.

Cuticun ka nupi le sin ah ka tlung i ka sining vialte cu ka nupi sin ah i phuan ka duh. Pastor pa zong ka chimh i a tha ko a ka ti ve than. Ka nupi le fale cu ka riantuan nak khua ah cun ka hruai ve hna i pastor quarter ah cun zanriah i hrawm tti dingin ka sawm hna. Pastor pa te nupa room ah cun an nupa le kan nupa cu kan lut i kan sining vialte cu pastor pa nih cun a chim dih. Ka nupi cu a ttap thluahmah i “khua ka ruat ve lai” timi bia lawng a chim i kan lawi.

Cu zaan cu kan nu cu mileng room ah amah lawng a it i zankhuadei a ttap thluahmah .Keimah zong cu itnak roomchung ah cun zankhuadei i hngilh lo in ka um ve. Zinglei hngakchia thawh hlan ah cun ka tho i kan nu sin ah cun ka va kal. Kan nu nih cun a ka hmuh bak in zeibia hmanh chimlo in a ka kuh i a ttap thluahmah i a chim mi cu”Jesuh min in kan ngeihthiam” tiah voihnih tiang a nolh i a chim.Kai lomhtuk ah ka mitthli atla ve i aw thang pin thla ka cam i cu ni thok cun kan nupa cun kan karlak ah ngeih thiamnak nih hmunhma a van lak colh ve.

Cu ni thok cun Pathian nih a kan umpi nak a tak in kan chungkhar ah a lang i chungkhar pumhnak kan ngeih zong ah kan nu nih hin thla hi ai thawh i voidang ah thlasak hmanh a huam huaha bal lomi kha a baan ai thir i ttah bu in hla a sa i Pathian lei ah thawng ngai in kan nupa cun kar kan hlang kho thai ve. Minung hi hohmanh a tlingmi kan um lo i misual lawngte kan si ko hna.

Kan sualnak zawn tu ai dang cio men lai.Asinain kan sualnak kha kan i chir i tuahpeng tilo in amah kan panh ah cun Pathian nih a kan hruai i a hlan nak nuam le lamtha ah a kan hruai zungal. Hi ka sining (testimony) a rak reltu vialte Bawipa nih thluachuah in pe ko hna seh.