Kalaymyo Thawngpang

Kalaymyo Chaklei Ralzaam Umnak Camp Cu SAC Ralkap Nih Vanlawng Le Drone In An Kah Hna! Sagaing ramṭhen Kalaymyo chaklei i ramzaam hna an i dornak camp cu SAC ralkap nih helicopter 3, bomb thlaknak vanlawng 2 le drone hmang in an kah hna, tiah tualchung mi nih an chim.

Tuzing May 14 suimilam 10:00 hrawng in SAC ralkap nih vanlei kahdohnak cu an tuah, tiah theih a si. SAC ralkap hna nih Yeshin khua, Laychia, Kokko, Tinta, Shaphu Doenuai khua in ralzaam hna i dornak hmun cu drone in bomb an thlakhnawh hna lengah machine gun he van lei in an kah hna, tiah tualchung mi pakhat nih Yangon Khit Tit Media ah a chim.

Kalaymyo chaklei cu SAC ralkap nih an uk khawh lo caah vanlei kahdohnak an tuah hi a si, ralzaam le PDF cu thleidang ti lo in an duhnak hmun poh an kah, tiah tualchung mi cheukhat nih an chim. Thawngpang Dang: SAC Nih Nawlngeihnak An Lak Kumkhat Leng Chung Ah Minung Nunnak 5600 Leng A Liam!

Myanmar ram ah SAC nih nawlngeihnak a laak hnu kumkhat leng chung ah sualnak ngeilo minung 5,645 tiang an nunnak a liam cang, tiah ISP nih nizaan May 12 ah a thanh. Tutan Myanmar nih a ton mi le SAC ralkap nih minung nunnak an laak mi bantum hi cuhlan tuanbia ah rak ton bal lo mi a si, tiah ISP Myanmar in U Kyaw Htat Aung nih RFA ah a chim.

SAC ralkap nih nawlngeihnak an laak hnu in Myanmar tuanbia ah ton bal lo mi hmuhton a si; firnak a tam, i dohnak le remlonak a karh, kahdohnak zong a tam caah mipi nunnak zong tampi a liam. Cu chung in SAC ralkap uk duh lo langhternak ah kah a tong mi le tlaihkhih ton hnu ah nunnak liam mi hna hi 1831 an si. Sagaing ramṭhen ah nunnak tam bik a liam i, nunnak a luam mi dihlak hi 599 an si.

SAC ralkap nih uknak a laknak cu kumkhat leng a si cang nain, tlaihkhih tong mi le hrem a tong mi an tam rih caah nunnak a liam mi cazin langhter mi cu karh lei a panh peng, tiah ISP Myanmar nih cun a langhter. Credit – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum